Leyenda d'o Barón d'Escrich

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Leyenda d'o Barón d'Escrich ye una leyenda teruelana sobre l'orichen de la Baronía d'Escrich y lo linache de los Escrich.

Seguntes esta leyenda i heba una fiera a qui teneban miedo los habitadors d'este terreno, y que heba vencito a caballers muito valients.

Un valient s'encaró con la fiera con un espiello debant la suya cara, pa que se-i veyese reflectata. La fiera s'aturó un inte con la boca ubierta, sorpresa por lo fiero que yera lo que veyeba, y a l'inte lo valient li clavó la espata en a boca, unico punto feble que la fiera teneba, y que dica allora nadie no heba puesto atacar.

Asinas consiguió matar-la y se podió tornar a poblar lo lugar. Lo rei agradeixito por esto lo concedió las tierras que fuese capaz de recorrer en un día, con títol de Baronía, naixendo asinas la Baronía d'Escrich, en l'actual despoblato d'Escrich, y lo linache de los Escrich.

Este feito tan sonato inspiró una ixota:

Nadie le teme a la fiera,

que la fiera ya murió

al revolver una esquina,

un valiente la mató.

• Datos: Q13049333