Galia
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Galia ye l'antigo nombre d'os territorios situatos entre os monts Pireneus, os Alpes y o río Rin, habitatos por una serie de pueblos que os griegos y romanos veyeban homochenios y que deciban galatas u galos.
Esta homocheneidat ye producto de compartir una mesma cultura material, a cultura d'os Opida, una fase tardana d'a cultura de La Tène, y una mesma luenga, o galo.
A Plana Padana, en o norte d'Italia, se deciba Galia Cisalpina porque dende o sieglo IV bi heba galos plegatos dende l'atro costato d'os Alpes.
En os tiempos d'a conquista romana César veye a Galia Transalpina, u Galia propiament dita, como dividita en cuatre rechions naturals:
