Silván
- Iste articlo ye sobre un presonache d'a mitolochía; t'o lugar d'a provincia de Leyón, se veiga Silván (Leyón).
| Silván | |
|---|---|
.JPG) Relieve román de Silván | |
Genius loci
| |
| Mitolochía: | Mitolochía romana y aragonesa |
| Atros nombres: | Silvanus |
| Relacionau con: | Sucellos |
Silván (en latín Silvanus, que significa «de las selvas») yera, en a mitolochía romana, o esprito tutelar d'os campos y selvas, un genius loci.
En a relichión galorromana s'interpretó que yera o mesmo dios que Sucellos.
Culto y recuerdo de Silván en os PireneusEditar
En Comenche, Bigorra y Val d'Aure han trobato estelas y aras votivas decicatas a Silván, o que contrimuestra o culto a Silván. En Sent Biat estió o dios protector d'a confrairía de marmolistas. Ye fácil que en ixa zona de muga entre aquitans y galos haiga puesto influir en o culto a Silván l'antigo culto a lo dios galo Sucellos.
Confundito con o dios Pan u os faunos, a cristianización no borró o recuerdo de Silván en os Pireneus porque a cristianización forzata heba meso més ficacio en acotolar as manifestacions de culto d'os dioses d'as primeras y segundas funcions (Chupiter, Marte, Minerva, Mercurio-"Marcuello", ecetra...).
O recuerdo de Silván confundito con os Faunos u Pan, presonaches temitos por as mullers, se mantenió en os mitos asociatos a Tantugou u o chigant Silván. En Tella bi ha leyendas sobre o chigant Silván, que furtaba bestiar y mullers. Os tellans lo enverenoron con leit.[1] En o Forato d'as Devotas bi ha una espelunga dita Cueva de Silván.
ReferenciasEditar
- ↑ (es) José Miguel Navarro López Diccionario de signos, símbolos y personajes míticos y legendarios del Pirineo aragonés, Prames, 2018, ISBN 978-84-8321-889-1, p.227
| Dioses principals | Baco • Ceres • Diana • Febo • Chuno • Chupiter • Marte • Mercurio • Minerva • Neptuno • Plutón • Saturno • Venus • Vulcán |
| Atros dioses | Abeona • Abundantia • Ana Perena • Angerona • Aurora • Belona • Bona Dea • Carmenta • Cibele • Clitunno • Cupido • Dia • Esculápio • Fama • Fauna • Fauno • Fortuna • Fides • Fontus • Fornax • Hora • Invidia • Iustitia • Chano • Chuturna • Lares • Líber • Libitina • Lúlio • Lupercio • Maia Maiestas • Manes • Mantus • Murcia • Nemestrino • Pales • Paládio • Penates • Pico • Poena • Pomona • Proserpina • Picumnus • Pilumnus • Quirino • Roma • Saturno • Silván • Tellumo • Términus • Turno • Vesta • Vertumno • Vitória |
| Personaches | Aca Laurencia • Amulio • Anquises • Ascanio • Creusa • Eneas• Faustulo • Hercules • Hersilia • Latín • Latín Silvio • Lavinia • Mezencio • Numitor • Procas • Rea Silvia • Romulo y Remo • Silvio • Tito Tacio |
| Sacerdotz | Augurs • Vestals |
| Puestos | Alba Longa • Céu • Lavínio |