Tarazona
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Tarazona, capital d'a comarca de Tarazona y Moncayo, se troba en a val meya d'o río Queiles, a una distancia de 86 km de Zaragoza. Crucillada de camins entre las comunidaz autonomas de Castiella y Leyón, La Rioja y Navarra, tien una población d'11.000 habitants.
| Tarazona | |||
| Municipio d'Aragón | |||
| |||
 Tarazona | |||
| Entidat • País • Provincia • Comarca |
Municipio Aragón.svg){kind=small} ZaragozaTarazona y Moncayo | ||
| Partiu chudicial | Tarazona | ||
| Superficie | 244 km² | ||
| Población • Total |
10 720 hab. (2013) | ||
| Altaria • Meyana |
480 m. | ||
| Distancia • 86 km |
enta Zaragoza | ||
| Alcalde | Luis María Beamonte Mesa | ||
| Codigo postal | 50500 | ||
| Parroquial • Diocesi • Arcipestrau • Parroquia |
Tarazona Tarazona 6 parroquias[nota 1] | ||
| Ríos | Queiles | ||
| Coordenadas | |||
| Web oficial | |||
Ye capital d'una d'as comarcas aragonesas con una personalidat mas definita, tierra mugant con os antigos Reinos de Navarra y Castiella. A comarca natural presidita por a mole de Moncayo y o rico pasato que esplanican os suyos molimentos proporcionan a la ciudat un singular embeleco.
Municipio romano, chunto con a población nativa hispanorromana primero pagana y dimpués catolica en a ciudat s'asentoron visigodos, chodigos, musulmans, ecetra, convertindo-se Tarazona en un d'os puestos mas importants d'Aragón. Estió a seu d'as Corz de Tarazona, en 1592.
Luengas y parlas
editarA luenga actual de Tarazona ye o castellano d'Aragón, que por o suyo substrato lingüistico mantién muitos aragonesismos, sobre tot en o lexico, como reflexo de l'aragonés que se i charraba dica por o menos o sieglo XVI. O lexico aragonés documentato y conservato de Tarazona presenta diferencias con respecto a lo que s'ha conservato en a part central y oriental d'a Val d'Ebro, encara que puet influir que os estudios lexicos son d'un periodo prou anterior, cuan se feban servir estas parolas.
L'aragonés se feba servir en Tarazona y a suya redolata en a baixa Edat Meya como luenga oficial chunto con o latín, y en tenemos muestras en textos notarials, y tamién lo feba servir o bispato de Tarazona, como veyemos en o "Libro Chantre". Tamién charraban y escribiban en aragonés os chodigos y os moriscos, estos zaguers en alfabeto arabe (textos alchamiaus). Manimenos no se puet identificar dreitament a luenga d'estos textos con a fabla aragonesa de Tarazona. A scripta aragonesa yera un estándard uniforme en tota a Val d'Ebro y Alto Aragón, y en consecuencia tamién en Tarazona. Por a toponimia medieval y actual y por o lexico conservato se puet saber que l'aragonés d'a zona moncaína no yera como l'aragonés d'o sureste que se charraba en a Comunidat de Calatayú, y yera como l'aragonés d'a val d'Ebro que se charraba en Cinco Villas, Ribera Alta y Ribera Navarra, mantenendo os caracters chenerals d'a fonetica aragonesa, como a evolución en -ll- d'os grupos -C'L- y -LY- (PANICULA > panolla, toponimo "Torrellas" que deriva de TURRICULA), caracters que irán converchendo con o castellano dende o sieglo XV (regacho en cuenta de "regallo", microtoponimo El Forcacho).
En l'actualidat en Tarazona bi ha un chicot nuclio de neoparlants de l'aragonés, que se remonta a chent que dende a decada de 1980 lo ha apreso en cursos feitos en Zaragoza, Tarazona u en plan autodidacta. En zaguerías d'ixa decada bi heba un grupo local d'o Ligallo de Fablans de l'Aragonés en Tarazona que ya no existe. Actualment beluns d'os neoaragonesoparlants de Tarazona perteneixen a l'asociación Nogará.
Toponimia
editarO toponimo Tarazona deriva d'o toponimo celtibero Turias(s)o transmeso a traviés d'o latín TURIASSO, TURIASSONIS. A terminación -ona se debe a lo predominio d'o caso ablativo d'o toponimo y ya se documenta a mitat d'o sieglo V[1].
Bi ha bel microtoponimo en idioma aragonés: Plana Melero, Bardalero, Casa de la Noguera, Ordigal, La Tolla y La Figuera. Toponimos como El Forcacho se remontan a la etapa de desaparición de l'aragonés, cuan as parolas con -ll- se castellanizaban foneticament y no existiba l'actual j velar en castellano.
Historia
editarTarazona yera una población celta perteneixient a os lusons. En 178 adC istos estioron vencius y sozmetius por Tiberio Sempronio Gracco. En epoca romana yera una ciudat con o nombre de Turiaso. En a primera metat d'o sieglo V bi heba una guarnición defensiva visigoda a lo servicio d'os romanos que fue destruita por os bagaudas en l'anyo 449.[2]
Tarazona ya teneba cierta importancia en tiempos d'o Reino Visigodo de Toledo. A ceca de Tirasona estió en funcionamiento con os reis Recaredo I, Gundemaro, Sisebuto y Suintila (586-631).[3]
Estió conquerida por os arabes en o sieglo VIII con o que pasó a clamar-se Tarasuna.
Tarazona fue reconquiesta por Alifonso I lo Batallero en 1119.
En 1162 se celebró a voda d'Alifonso II d'Aragón y Sancha de Castiella y Polonia, fundadora d'o Reyal Monesterio de Santa María de Sixena.
En 1170 se celebroron aquí a voda entre Alifonso VIII de Castiella y Alionor de Plantachenet baixo l'auspicio d'o rei Alifonso II d'Aragón.
En 1301 se concede a Tarazona o dreito a celebrar ferias.[4]
En 1329 se celebroron as vodas entre Alifonso IV d'Aragón y Alionor de Castiella.
O 9 de marzo de 1357 tropas castellanas conquieren a ciudat entre a Guerra d'os Dos Peros. En 1360 estió tornada enta Aragón. En 1362 tornaría a estar conquerida por Castiella.
En 1495 se celebroron astí as Corz d'Aragón.
En 1592 se celebroron astí as Corz d'Aragón que presidió Felipe II d'Espanya an se retalloron as libertaz aragonesas dimpués d'a Rebelión d'Aragón de 1591.
En 1980 a Institución Fernando el Católico estableix o Centro d'Estudios Turiasonenses. O 3 d'aviento de 1987 as Corz d'Aragón reunidas en a ilesia d'a Magdalena restauran a figura historica d'o Chusticia d'Aragón. En 1988 se funda a Casa de Traductors.
Demografía
editar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Administración
editarReparto de concellers
editar| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido Popular | - | 8 | 3 | 4 | 6 | 8 | 8 | 8 | 10 |
| Partido de los Socialistas de Aragón | 6 | 6 | 5 | 6 | 5 | 5 | 7 | 6 | 4 |
| Izquierda Unida | - | - | 2 | 3 | 3 | - | - | 1 | 2 |
| Chunta Aragonesista | - | - | - | 1 | 1 | 1 | 1 | 1 | 1 |
| Partido Aragonés | - | 3 | 5 | 2 | 2 | 1 | 0 | 1 | 0 |
| Unión de Centro Democrático | 8 | - | - | - | - | - | - | - | - |
| Centro Democrático y Social | - | - | 1 | 1 | - | - | - | - | - |
| Partido Demócrata Popular | - | - | 1 | - | - | - | - | - | - |
| Independients | 0 | - | - | - | - | 2 | 1 | - | - |
| Total | 17 | 17 | 17 | 17 | 17 | 17 | 17 | 17 | |
Alcaldes
editar| Lechislatura | Nombre | Partiu politico |
|---|---|---|
| 1979–1983 | José Luis Moreno Lapeña | Unión de Centro Democrático |
| 1983–1987 | José Luis Moreno Lapeña | |
| 1987–1991 | José Luis Moreno Lapeña | |
| 1991–1995 | Jesús Orte Moncayo | Partido de los Socialistas de Aragón |
| 1995–1999 | Jesus Javier Calavia Magallón | Partido Popular |
| 1999–2003 | Jesus Javier Calavia Magallón | Partido Popular |
| 2003–2007 | Ana Cristina Vera Láinez[7] | Partido de los Socialistas de Aragón |
| 2007–2011 | Luis María Beamonte Mesa | Partido Popular |
| 2011–2015 | Luis María Beamonte Mesa | Partido Popular |
| 2015–2019 | Luis María Beamonte Mesa | Partido Popular |
| 2019–2023 | Luís José Arrechea | Partido Popular |
| 2023–2027 | Antonio Jaray [8] | Partido Popular |
Puestos d'intrés
editarEdificios relichiosos
editar- Seu de Nuestra Sinyora d'a Huerta.
- Ilesia d'a Virchen d'o Río, un edificio d'estilo barroco, 1667.
- Ilesia de Santa María Malena.
- Ilesia de Sant Francisco, sieglo XV.
- Ilesia de Sant Miguel.
- Ilesia de Sant Atilano.
- Ilesia de Nuestra Sinyora d'a Mercé.
- Convento de Sant Chuaquín.
- Convento de Santa Ana.
- Ermita de Sant Chuan.
- Convento d'o Carmen, sieglo XVII.
Edificios civils
editar- Palacio Episcopal.
- Casa d'a Ciudat.
- Plaza de toros viella, 1790.
- Palacio d'Eguarás, sieglo XVI.
- Teatro d'Artes Polidas de Tarazona, obra de Miguel Ángel Navarro Pérez.
Edificios militars
editar- Restas d'a muralla medieval, sieglo XV.
Fiestas
editar- Cipotegato, 27 d'agosto.
- Sant Atilano, agosto.
- Romería d'o Quililay, chulio.
Liendas
editar- O pantasma d'o Palacio d'Eguarás.
- A mora d'a espluga de Bayona.
Esportes
editar- O fútbol ye representato por a Sociedad Deportiva Tarazona.
Personalidaz naixitas de Tarazona
editarNotas
editarReferencias
editar- ↑ (es) Manuel Gargallo Sanjoaquín: Toponimia turiasonense (I). Archivo de Filología Aragonesa. Lª XLIV-XLV. 1990, p 15.
- ↑ María Victoria Escribano Paño Los Godos en Aragón Cai100, 2000 pp29-30
- ↑ Javier Arbués, Maria Luisa Torralba, Gran Atlas Histórico de Aragón Aneto Publicaciones S.L 1999.
- ↑ (es) Historia de Aragón, dirichita por Eloy Fernández Clemente, La Esfera de los Libros, Madrit, abril de 2008, 1ª edición, ISBN 978-84-9734-722-8, pachina 248.
- ↑ Datos Eleccions MIR
- ↑ https://web.archive.org/web/20110105133451/http://portal.aragob.es/archelec/index.jsp
- ↑ (es) Ana Cristina Vera Láinez en a pachina web d'as Corz d'Aragón.
- ↑ (es) Consulta el listado de alcaldes que han sido proclamados en Aragón en Heraldo de Aragón
Vinclos externos
editar
Se veigan as imáchens de Commons sobre Tarazona.- Turiaso.com.
| Lugars d'o municipio de Tarazona | |
|---|---|
| Poblaus: Conchiellos | Tarazona | Torres de Montecierzo | Tortoles Despoblaus: Agramont |
