Lupo (mitolochía)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O lupo ye un animal que en as mitolochías pirenencas tien una estreita relación con o mundo d'os muertos a o que se gosa asociar a sobén. O lupo ye a encarnación d'o mal, o miedo y a terror que teneban os pastors que heban de dormir de nueiz entre as selvas y os monts.
A relación d'o lupo con o montanyés
editarDende siempre se creyeba que os lupos yeran intelichents como as personas, ya que en o suyo interior teneban una alma humana. Ista creyencia ye relacionada dreitament con as leyendas d'hombres lupo que se repiten por muitos puntos d'a nuestra cheografía.
En os Pirineus se conoixe a leyenda d'una lupa que esfendeba y daba vida a ixos monts y selvas, y que yera condenada a dondiar dica que trobase un pastor que no le tenese medrana. I ye conoixida tamién a costumbre de pedir t'al lupo por a que un cazataire de lupos que heba cazau a una pieza teneba o dreito de ser manteniu por o periodo de tres días en o lugar a on que amostraba a piel de l'animal.
Muitos montanyeses tienen un sentiu especial ta detectar a presencia de lupos y ye tema recurrent de muitas historias y leyendas un hombre que buscando un puesto a on que acubillar-se en una nueit hibernal en mel meyo d'o mont plega enta un puesto a on una fuerza sobrenatural no le deixa pasar, encara que quiere fer-lo, habendo de marchar por o camín que veniba. Ya de maitins en o mesmo puesto por a on no s'atrivió a pasar descubre os sinyals d'un lupo que bi heba estau aguaitando.
En bellas leyendas s'encanta a os lupos con o soniu que fa en tanyer-se una gaita machica. D'atra man en bels lugars como a Echo u Ansó s'asusta a os ninos con Lo Lupo de Santa Barbara u O Lupo d'a Cuesta respectivament, remerando a la fegura d'o cocón.
O lupo y o Diaple
editarO lupo y o Diaple tamién tienen relación en as mitolochías pirenencas. Asinas Severino Pallaruelo recenta haber-se trobau en a falsa d'una casa de Burgasé, en a Solana, un libro de encantamientos en que apareixeba una receta de conteniu erotico que teneba como ingredients o pene y os pelos d'a coda d'un lupo. A vegadas se representa a o Diaple en os aquelarres con bruixas baixo a forma d'un lupo negro.
Se veiga tamién
editarBiografía
editar- Breve inventario de seres mitológicos fantásticos y misterioros de Aragón. Chema G. Lera. Prames. ISBN 978-84-8321-268-4
Datos: Q3051190
Multimedia: Wolves in art / Q3051190
