Narbona d'Arcal
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Narbona d'Arcal | |
|---|---|
| Información personal | |
| Naixida o: | ? |
| Naixida de: |  Cenarbe (Villanuga, Chacetania, Uesca)
|
| Muerta o: | 12 de febrero de 1498 |
| Muerta en: | Zaragoza |
| Ocupación: | Curandera y bruixa. |
Narbona d'Arcal u Narbona de Cenarbe (Cenarbe – 12 de febrero de 1498, Zaragoza) estió una curandera aragonesa d'o sieglo XV procesada y condenada por a Inquisición en 1498 acusada de bruixería.
Acusacions de bruixería
editarD'Arcal perteneixeba a una familia que poseyeba secretos sobre como manullar plantas y sustancias medicinals,[1] y teneba dos chirmans, Chuan y María (que tamién fuoron acusaus de bruixería).[2] Yera casada con Chuan de Portanya, encara que él l'albandonó y viviba sola mantenindo-se por os suyos medios.
En 1498, un vecín de Cenarbe aseguró que a nieta d'ella heba superau una grieu malautía gracias a las oracions ofreixidas a Sant Cebrián. Poco dimpués d'a suya muerte, atro de su nietos se metió malauto y a suya familia se lamentaba de que ya no vivise ta rezar por él. Manimenos, d'Arcal se feba la mofla d'istas creyencias y recomendó a la familia a curación a traviés de plantas.
A radiz d'iste feito, atros vecins d'o lugar manifestoron haber estau embruixaus por ella causando abortos a mullers d'o lugar, obligando-los a ladrar en a ilesia y mesmo afirmaban que no les permitiba veyer o Santismo Sacramento, veyendo en o suyo puesto una mancha negra cuan a hostia yera alzada en l'altar.[3][4]
Igual que ocurrió con Guirandana de Lai, as acusacions d'os vecins facioron que istas mullers estasen levadas debant d'a chusticia y se charraba d'ellas como as güixas de Villanuga.
Proceso inquisitorial y sentencia
editarO 12 de febrero de 1498 comenzó o Proceso Inquisitorial contra Cenarbe, que fue chuzgada por os siguients delitos:
Seguntes o expediente d'o proceso contra Narbona, conservau en l'Archivo Historico Provincial de Zaragoza, ista fue condenada a morir en a foguera por o delito de bruixería,[6] y fue cremada en o palacio de l'Alchafaría.[7]
Referencias
editar- ↑ (es) "Las Mujeres en Zaragoza en el siglo XV, Volumen 1". Ayuntamiento de Zaragoza, 2006. Prensas Universitarias de Zaragoza
- ↑ (es) "Los aquelarres en Aragón según los documentos y la tradición oral". Ángel Gari Lacruz. Instituto Aragonés de Antropología. Pach. 257, ISSN 0212-5552
- ↑ (es) Curar con palabras (oraciones bajomedievales aragonesas). María del Carmen García Herrero. 1990. Alazet. Revista de Filología del Instituto de Estudios Altoaragoneses
- ↑ (es) La cueva de las Guixas en Villanúa. La identidad de Aragón, 14 de noviembre de 2016.
- ↑ (es) "La Vieja Narbona. De las Sombras del Alba, al Resplandor de las Hogueras. Manuscritos de la Inquisición". Carmen Espada, 1998. Pach. 232
- ↑ (es) Proceso contra Narbona, esposa de Juan de Portanya y vecina de Cenarbe, acusada de brujería. 1 de noviembre de 2017
- ↑ (es) Magia de las Leyendas: Cueva de las Güixas. Turismo Huesca La Magia
Se veiga tamién
editar
Datos: Q42567021
