Charava

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Charava (Jarava en grafía SLA, Jaraba en castellano) ye un municipio d'Aragón situato en a provincia de Zaragoza, en a comarca d'a Comunidat de Calatayú.

Charava
Municipio d'Aragón
Balneyario de Sicilia en Charava.
Entidat  • País  • Provincia  • Comarca	Municipio  Aragón  Zaragoza Comunidat de Calatayú
Partiu chudicial	Calatayú
Superficie	42,91 km²
Población  • Total	280 hab. (2013)
Altaria  • Meyana	767 m.
Distancia  • 124 km	enta Zaragoza
Alcalde	Manuel Enrique Perez Sicilia
Codigo postal	50237
Río	Mesa
Coordenadas	41°11’24’’N 1°53’ 2’’U
Charava Charava en Aragón
Web oficial

Tien una población de 280 habitants, en una superficie de 42,91  km² y una densidat de población de 6,53 hab/km².

Toponimia

En a Bula de Lucio III, de 1182 s'escribe Xarava, pero ixa x no representa o fonema d'a x sino o fonema d'a ch como en las variants graficas medievals Sanxo y Belxit de "Sancho" y "Belchit". La tradición de representar o fonema d'a ch con una x encara contina en valenciano, on se representa con x bellas parabras que se prenuncian ch y no tienen una x etimolochica, (Xest, Xestalgar, Xinquer, Xulilla, etz...

En a mayor parte d'os textos medievals antigos s'escribe Jarava, y asinas ye encara en o Fogache de 1495. Tamién existiba la variant Gerava. Dimpués apareixe escrito Xarava en un contexto de castellanización, (en a primera etapa de castellanización a ch de chent se castellaniza como xente). Dimpués ixa -x- ha evolucionato d'alcuerdo con a fonetica historica d'o castellano esdevenindo una j velar en o sieglo XVII.

Demografía

Evolución demografica

2003 2004 2005 2006 2007 2008 2009 2010 2011 - 316 - - - - - - -

2012 2013 2014 2015 2016 2017 2018 2019 2020 - - - - - - - - -

2021 2022 2023 2024 2025 2026 2027 2028 - 282 280 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Economía

A economía de Charava s'alazeta prencipalment en o turismo termal. Bi ha tres balneyarios, o Balneyario d'a Virchen, o Balneyario de Serón y o Balneyario de Sicilia, totz ells creyatos en os sieglo XIX. Manimenos as propiedatz d'as suyas auguas ya yeran conoixitas dende tiempos d'os romanos.

As tres plantas embotelladoras que existen en o lugar, Fontjaraba, Fontecabras y Lunares, tamién son importants ta la suya economía dende que en 1860 istas auguas estioron declaratas d'utilidat publica.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									4
Partido Aragonés									2
Partido Popular									1
Total									7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Manuel Enrique Pérez Sicilia	Partido de los Socialistas de Aragón
2011–2015	Manuel Enrique Pérez Sicilia	Partido de los Socialistas de Aragón
2015–2019	Joaquín Barriga Lorente	Partido Aragonés
2019–...	Felicidad Pérez Sicilia	Ciudadanos