Comanda
La Comanda estió una institución socio-economica en la que una comunidat heba de pagar con treballo u en especie a atro grupo menos lumeroso, pa espleitar un bien u por una prestación que hesen recibito.
En la Edat Meya las comandas yeran territorios, inmuebles, rendas u beneficios que perteneixeban a las ordens militars. Debant d'una comanda i heba un comandador, que yera lo encargato de recibir las rendas y de distribuir-las. Las comandas esdevinioron autenticas circuscripcions de las orden militars.
En la Edat Moderna las comandas continoron existindo de la mesma traza, pero a fins s'abolioron quan se desfació lo estato feudal pa creyar un estato moderno.
La Corona de Castiella exportó lo modelo de comanda, (en castellano encomienda), ta l'America colonial y Filipinas.