Juan Cabañero y Esponera
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Juan Cabañero y Esponera | |
|---|---|
| 1798 - 3 de mayo de 1850 | |
| Información personal | |
| Embotada | |
| Puesto de naixencia |  Urreya de Gayén (Baixo Martín, Teruel)
|
| Puesto de muerte | Albalat de l'Arcebispe (Baixo Martín, Teruel)
|
| Información militar | |
| Leyaltat | .svg){kind=small} Reino d'Espanya Carlismo(1833-1839) Reino d'Espanya
|
| Anyos de servicio | |
| Rango | Cheneral |
| Mandos | |
| Unidat | |
| Batallas/guerras | Guerras Carlistas Primera Guerra Carlista Cincomarzada Segunda Guerra Carlista |
| Premios | |
| Atras funcions | |
Juan Cabañero y Esponera, naixito d'Urreya de Gayén (hue en o Baixo Martín, Teruel) en 1798 y muerto o 3 de mayo de 1850 en Albalat de l'Arcebispe (Baixo Martín, Teruel), estió un militar aragonés, conoixito por a suya participación en as Guerras Carlistas, cuan dimpués de dentrar en Belchit o 4 de marzo de 1838 tentó de conquerir a ciudat de Zaragoza en a dita Cincomarzada (mientres a Primera Guerra Carlista), o 5 de marzo de 1838, y fue redotato por a población d'a ciudat, que dende ixas envueltas commemoran a suya victoria con una fiesta popular.
Cabañero partecipó tamién en atras accions militars con os sublevatos carlistas: o 20 de marzo de 1838 as suyas tropas redotoron a os liberals en Molina d'Aragón (Guadalachara) y dentroron en Calatayú o 27 d'abril. En chulio de 1838 con un batallón de soldatos aragoneses, o VI Batallón d'Aragón, esfendió a ciudat de Moriella (Castellón).
Sindembargo, en estar en desalcuerdos con Ramón Cabrera, qui manaba o frent aragonés ta os carlistas en a guerra, demandó ser tresladato a o Frent d'o Norte, en combatindo en tierras de Navarra mandato por Rafael Maroto, qui o 31 d'agosto de 1839 signó o Convenio de Bergara, que remató a guerra en Navarra y o País Basco. Asinas, Cabañero s'adhibió a os liberals contra o suyo antigo chefe, Cabrera, qui continó con a guerra en Aragón, País Valenciano y sud de Catalunya. Cabrera mandó fusilar a o fillo de Cabañero, un mozo de 18 anyadas, a man de Moriella.
En 1848-1848, mientres a Segunda Guerra Carlista, Cabañero tornó a aduyar a os liberals contra os carlistas en as comarcas terolanas d'o Mayestrato y d'o Baixo Aragón.
En 1849, Cabañero fue nombrato Gubernador Militar de Teruel, feito que provocó polemicas con os republicans d'a provincia, que no confiaban en a suya fidelitat a o liberalismo.
Bibliografía consultata Editar
- (es) José Ramón Villanueva Herrero: La evolución política de Juan Cabañero y Esponera: De General Carlista a militar "convenido".
- (es) Cabañero y Esponera, Juan, en a Gran Enciclopedia Aragones online.