Academia de l'Aragonés

asociación cultural aragonesa
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'Academia de l'Aragonés ye un organo creyato o 15 de chulio de 2006 por o II Congreso de l'Aragonés con l'obchectivo d'estar l'autoridat lingüistica de l'aragonés. Actualment no tiene reconoiximiento explicito por o Gubierno d'Aragón, y a suya forma churidica ye la d'una asociación cultural baixo lo nombre Estudio de Filología Aragonesa, pero se la conoixe de toz como Academia de l'Aragonés. Tiene a suya seu en Zaragoza.

Logo de l'Academia de l'Aragonés.

Os obchectivos de l'Academia, seguntes as ordinacions homologatas en dito Congreso, son:

  • Investigar todas as manifestacions orals y escritas de l'aragonés.
  • Replegar y actualizar o suyo lexico.
  • Fixar a suya toponimia y onomastica.
  • Investigar y formular leis ortograficas, gramaticals y foneticas ta todas as modalidaz de l'aragonés.
  • Fixar, desembolicar y amillorar a modalidat stándard.

y procurar o respeto a os dreitos linguisticos d'os suyos fabladors.

O suyo primer consello de gubierno provisional estió presidito por José Lera. O primer pleno estió celebrato lo 28 d'octubre de 2006 en a Deputación Provincial de Zaragoza, establindo-se-ie asinas un nuevo consello de gubierno de l'Academia, esleito seguntes as ordinacions, con Manuel Castán como president.

O 18 de noviembre de 2010 se presentó publicament en Zaragoza a Propuesta Ortografica de l'Academia de l'Aragonés, dimpués d'un proceso publico de replega d'esmiendas y socherencias a la mesma.[1]

L'Academia de l'Aragonés edita a colección de publicacions dichitals EDACAR (Edicions Dichitals de l'Academia de l'Aragonés) en do que se publican, en formato dichital y de libre distribución, asayos, articlos y monografías sobre l'aragonés.

Miembros editar

A nomina actual de miembros de l'Academia de l'Aragonés ye:

O 14 de mayo de 2007 l'Academia de l'Aragonés, achuntata en sesión extraordinaria, nombró a os suyos cinco primers Academicos d'Honor, que fueron homenachiatos o 24 de noviembre de 2007 en a seu d'o Gubierno d'Aragón. Ista nomina s'enampló o 12 d'abril de 2008 y o 21 de marzo de 2009 con a proclamación como Academicos d'Honor de Michael Metzeltin, catedratico de Lingüistica y Didactica d'as Luengas Romanicas d'a Universidat de Viena, y de Xabier Kintana Urtiaga, escritor y secretario d'Euskaltzaindia.

Os Academicos d'Honor son:

En a sesión plenera celebrada o 15 d'aviento de 2012 a entidat nombró os primers Miembros Correspondients ta colaborar en as fayenas de codificación.[2][3]. Os miembros correspondients yeran:

Vinclos externos editar

Referencias editar