Río Ribota
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Ribota | |
|---|---|
Administración
| |
| Estaus | |
| Territorios |  Aragón
|
Cheografía
| |
| Longaria | 27 km |
| Altaria d'o naixedero | m |
| Naixedero | |
| Desembocadura | río Xalón |
| Superficie d'a cuenca | km² |
| Cabal meyano | m³/s |
Mapa
| |
 Lo Ribota en Aragón | |
Lo río Ribota u rambla de Ribota ye un afluent de lo río Xalón por la suya marguin ezquierda. S'orichina por la unión d'uns cuantos barrancos que baixan dende lo termin municipal de Malanquiella dica lo Sudeste de Clarés de Ribota. Lo principal d'estos barrancos ye lo barranco de la Bega, que reculle buena part las auguas de lo termin de Malanquiella, y a on se puet considerar que naixe la rambla de Ribota.[1]
La rambla de Ribota traviesa los termins municipals de Clarés de Ribota, Villarroya de la Sierra, Cervera de la Canyada, Torralba de Ribota y Calatayú. En Villarroya de la Sierra la suya ribera ye muito ixamplada. En lo termin de Calatayú pasa a canto de la pedanía de Ribota y caye en Xalón auguas t'abaixo de Uermeda en lo Puesto d'Importancia Comunitaria de las Foces de Xalón. L'antiga Bilbilis ye entre la rambla de Ribota y Xalón.
En la compleganza de la rambla de Ribota bi ha glacis que baixan dende la Sierra de la Virchen y dende Los Castillos de la sierra d'Armantes, tenendo més pendient los segundos. Entre los primers se troba la "Plana de Val de la Barga" entre Cervera de la Canyada y Aninyón, "Las Planillas" y "Los Lomos" a lo Norte de Cervera de la Canyada.[2]
Toponimia
editarPrene lo nombre de la localidat de Ribota, que s'interpreta que provién de lo latín RIBA ALTA, coderent con las ripas de la sierra d'Armantes chunto a la rambla:
- RIBA ALTA > *Riba auta > *Ribauta > Ribota.
Antes más se deciba "río Clarés".[3]
Este río define una val y una subcomarca que yera conoixida en la baixa Edat Meya como La Canyada,[4][5] y que constituiba una sexma adintro de la comunidat d'aldeyas de Calatayú (sexma d'el río de la Canyada).
Referencias
editar- ↑ (es) Prensa Diaria Aragonesa: Los ríos de Aragón. El Río Jalón. El Periódico de Aragón, Diputación General de Aragón, 2005, p 32
- ↑ (es) María Teresa Echeverría Arnedo: El relieve de la Comunidad de Calatayud, adintro de lo libro Comarca de la Comunidad de Calatayud. Colección territorio, nº 20, 2005, p 31
- ↑ (es) Yagüe Guirles, Ángel F., Borrás Gualis, Gonzalo M., Lacarra Ducay, M.ª Carmen: Torralba de Ribota. Remanso del mudéjar. Cuadernos de Aragón, 50. Institución Fernando el Católico, 2011. ISSN 0590-1626, p 16.
- ↑ (an) Carlos Laliena Corbera, María Teresa Iranzo Muñío: Acta Curiarum Regni Aragonum. TOMO X - VOLUMEN 1º. Cortes del reinado de Alfonso V/2, Cortes de Zaragoza 1439. Actas de las Cortes de Alcañiz-Zaragoza 1441-1442. 2016. p 289.
- ↑ (an) NAVARRO ESPINACH, Germán: Acta Curiarum Regni Aragonum. Tomo VI. Volumen II. Cortes del Reinado de Martín I. Actas de las Cortes de Maella de 1404. Fogaje general del reino ordenado en las Cortes de Maella. p 370.
Bibliografía
editar- (es) L'articlo Rambla de Ribota en la Gran Enciclopedia Aragonesa online.
- (es) María Teresa Echeverría Arnedo: El relieve de la Comunidad de Calatayud, adintro de lo libro Comarca de la Comunidad de Calatayud. Colección territorio, nº 20, 2005.
- (es) Prensa Diaria Aragonesa: Los ríos de Aragón. El Río Jalón. El Periódico de Aragón, Diputación General de Aragón, 2005.
| Afluents d'o río Xalón | |||||
|---|---|---|---|---|---|
| |||||
Datos: Q23993004
