Diocesi de Tarazona

A diocesi de Tarazona (en latín Dioecesis Turiasonensis) ye una seu bispal en a provincia de provincia de Zaragoza, en Aragón. A suya seu ye en a seu de Nuestra Sinyora d'a Huerta de Tarazona.

Diocesi de Tarazona
Dioecesis Turiasonensis
Diocesi d'Aragón
Escudo de Diocesi de Tarazona
Escudo
Diócesis de Tarazona.svg
Diocesi de Tarazona en Aragón
Capital Tarazona
Entidat
 • Provincia
Diocesi
Zaragoza
Subdivisions 5 arciprestatos
Población
 • Total

83.220 hab.
Bispe Eusebio Hernández Sola
Seu bispal Seu de Nuestra Sinyora d'a Huerta
Fundación Sieglo V u VI
Pachina web oficial

Fue constituita en o sieglo V u VI y teneba en 2004 83.220 habitants. A diocesi de Tarazona plegó a fer servir l'aragonés como luenga escrita en a baixa Edat Meya pa escribir textos como o "Libro Chante".

HistoriaEditar

En tiempos d'os romans Tarazona heba estato seu bispal, y ixo influyó en a Edat Meya en a formación d'a diocesi de Tarazona entendendo-se que se feba una restauración d'una realidat anterior a la conquiesta musulmana.

O 4 d'aviento de 1121 se fizo concordia entre os bispes Pero de Zaragoza y Miguel de Tarazona pa alcordar as mugas. Facioron servir como referencia o río de la Uecha (dito en o tractato "río de Borcha"). Los lugars de la Uecha dende o naixedero dica los termins de Magallón los adchudicoron a la diocesi de Tarazona, y los lugars dende Magallón dica a desembocadura pertanyerían a Zaragoza (Magallón, Frescano, Mallén, Cortz, Cabanyas d'Ebro y Noviellas.

O 26 de mayo de 1135 os bispes Guillén de Zaragoza y Bernal de Sigüenza alcordoron en una concordia as mugas entre a diocesi de Sigüenza y a diocesi de Zaragoza (que afectaba tamién a las mugas d'a diocesi de Tarazona). Calatayú y os termins suyos pasoron a depender d'a diocesi de Sigüenza, que arribaba dende Villafelich dica Aranda de Moncayo y dende Fariza dica a penya de Codas.

Quan morió Alifonso I lo Batallero los problemas succesorios y los cambeos de mugas facioron que en septiembre-octubre de 1136 se celebrase o Concilio de Burgos pa fixar las mugas d'as diocesis de l'aria d'influencia castellana y anteriorment aragonesa, on yeran bien establitos os bispatos de Tarazona, Osma y Sigüenza. A decisión d'este concilio estió que Calatayú, Borovia, Penyalcázar, Olvega, Villafelich y Salas pasasen a depender d'a diocesi de Tarazona, (perdendo-se Soria). Agreda pertanyió a la diocesi de Tarazona dica o concordato de 1953.

As mugas entre os bispatos de Tarazona y Zaragoza se facioron coincidir con las mugas entre as futuras comunidatz d'aldeyas de Calatayú y Daroca.

División administrativaEditar

 

   Arciprestato de Tarazona

   Arciprestato de Uecha

   Arciprestato de Baixo Xalón

   Arciprestato de Calatayú

   Arciprestato d'Alto Xalón

A diocesi de Tarazona ye trestallata en 5 arciprestatos:

  • Arciprestato de Tarazona
  • Arciprestato de Uecha
  • Arciprestato de Baixo Xalón
  • Arciprestato de Calatayú
  • Arciprestato d'Alto Xalón

Se veiga tamiénEditar

Vinclos externosEditar


 
Diocesis d'Aragón
 

Archidiocesi de Zaragoza | Diocesi de Balbastro-Monzón | Diocesi de Chaca | Diocesi de Tarazona | Diocesi de Teruel y Albarrazín | Diocesi de Uesca