Crabero
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre o crabero como denominación chenerica ta bellas especies d'aus rapinyaderas nocturnas. Ta la persona que va pastor de crabas, se veiga Pastor.
Crabero u crapero ye una denominación popular ta cualques especies d'aus rapinyaderas nocturnas d'a orden Strigiformes, caracterizadas, de regular, por a suya mida chicorrona (inferior a babiecas y bubons) y a suya coloración criptica, marrón u parda con piquetas. Se tracta d'un termino chenerico, no especifico ta garra especie concreta, pero que conoix muito emplego en as parlas rurals de gran parte d'Aragón.
A mayoría d'especies que se gosan decir craberos son aus tuladeras, que profieren tulidos agudos de nueiz que las fan personaches habituals en o imachinario popular. Os tulidos d'os craberos son diversos, y dependen d'a especie concreta que éls faiga, pero son en toz os casos un cante bien reconoixible que se puede sentir en os arredols de zonas selvosas que ye las que, como cuasi todas as Strigiformes, millor s'estiman ta habitar.
En a cultura popular de l'Alto Aragón, os craberos son personaches que con o suyo tular introducen bella cosa de misterio u d'aire tetrico en as falordias de contar-se, motivo per lo que se's gosa mentar. En a canción As Devinetas, d'o grupo sobrarbenco La Ronda de Boltaña, se fa una alusión a iste animal en a introducción, con obchectivo tamién de dar-le un aire fusco a l'inicio d'a canción:
Bellas especies
editar
Se veiga tamién
editar
Datos: Q8353084
