Selva mediterrania

A selva mediterrania u selva esclerofila mediterrania ye una formación vechetal u selva asociada a lo clima mediterranio y dominada por un estrato arborio por un regular monoespecifico y un estrato arbustivo u matigal muito desenvolicau por haber-ie muita luminosidat, que no dixan quasi luz ni espacio a lo estrato herbacio. Os estratos arborio y arbustivo se caracterizan por a esclerofilia, son fuellas duras con una cuticula que las proteche en os meses calorosos y secos, una mida chicota pa reducir a traspiración y a vegadas con punchas.

Presencia d'a selva mediterrania arredol d'o mundo.

A selva mediterrania més tipica ye representa en as zonas con clima mediterranio d'a cuenca mediterrania por o carrascal en suelos calsinosos y por o sureral en os suelos silicios. Sindembargo tamién son prou estendilladas as pinars, tanto naturals como sustituindo a los carrascals y surerals en puestos on l'acción humana ha feito desapareixer a vechetación orichinal.