Belarrusia

Estau d'Europa
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Republica de Belarrusia u Belarrusia ye un país d'Europa Oriental en l'aria d'influencia cheopolitica rusa y anteriorment en l'aria d'influencia polaca y lituana. Actualment fa parti d'a Comunidat d'Estatos Independients.

Republica de Belarrusia
Рэспу́бліка Белару́сь
Respublika Biełaruś
Bandera de Belarrusia Escudo de Belarrusia
(En detalle) (En detalle)
Lema nacional:
Himno nacional: Мы, беларусы
Situación de Belarrusia
Situación de Belarrusia
Capital
 • Población
Minsk
1.814.700
Mayor ciudat Minsk
Idiomas oficials Belarruso, ruso
Forma de gubierno Rep. semipresidencialista
Aleksandr Lukashenko
Roman Golovchenko
Independenzia
Declarata
Reconoixita
d'a URSS
27 de chulio de 1990
25 d'agosto de 1991
Superficie
 • Total
Mugas
Posición 84º
207.600 km²
3.098 km
Población
 • Total (2018)
 • Densidat
Posición 77º
9.491.900[1]
46 hab/km²
PIB (PPA)
 • Total (2016)
 • PIB per capita
Posición 78º
US$ 183.943 millons[2]
US$ 20.705[2]
Moneda Rublo (BYN)
Chentilicio Belarruso/a[3]
Zona horaria
 • en Verano
UTC+3
UTC+3
Dominio d'Internet .бел .by
Codigo telefonico +375
Prefixo radiofonico EU-EW
Codigo ISO 112 / BLR / BY
Miembro de: ONU, OSCE, CEI.

Mugas editar

O territorio de Belarrusia muga en o sentito d'as agullas d'o reloch con Polonia a l'ueste, con Lituania a lo norueste, con una cantonera de Letonia a lo norte, con Rusia a lo norte a a l'este y con Ucraína a lo sud, con as Pauls d'o Pripet como muga natural con esta zaguera republica.

Clima editar

A causa d'a proximidat d'a mar Baltica (257 kilometros en o punto mas amanau), o país tien un clima continental moderau, con hibiernos fredos y veranos frescos y humidos, en transición a un clima maritimo. L'hibierno dura entre 105 y 145 días, entre que que o verano puede arribar dica os 150 días. A temperatura meya en chinero ye d' uns –6 °C, entre que que en chulio ye d' uns 18 °C, con alta humedat. A meya anyal de precipitacions oscila entre 550 y 700 mm, pendendo d' a comarca, con cantidaz a vegadas excesivas.[4]

Población editar

A mayor part d'a población ye belarrusa, con una minoría polaca en extensas zonas de l'ueste muito reducita dimpués d'a segunda Guerra Mundial, chicotas minorías de lituanos y de tartaros de Lituania tamién en l'ueste a man d'a muga con Polonia y Lituania, y inmigrants rusos y ucraineses, muitos d'ellos venitos en o periodo sovietico.

Historia editar

O territorio de l'actual Belarrusia yera habitato en l'alta Edat Meya por eslaus orientals que iban desplazando a los pueblos baltos enta l'ueste. Dimpués d'a invasión mongola a mayor parte d'o territorio d'os eslaus orientals quedó sozmeso por os mongols-tartaros, pero con o tiempo os lituanos conquirioron o territorio de l'actual Belarrusia y buena part d'Ucraína a los tartaros d'o Khanato d'a Horda d'Oro. L'actual Belarrusia fació part de Lituania en a Unión Polaco-Lituana y en a Republica d'as dos Nacions y os suyos habitants eslaus orientals fuoron denominatos rutens. Cuan l'Imperio Ruso se convertió en una potencia mayor que Polonia-Lituania y participó en os repartos de Polonia os territorios habitatos por os actuals belarrusos fuoron anexionatos por l'Imperio Ruso, os rutens-belarrusos fuoron consideratos simplament rusos y o territorio suyo fue denominato Rusia Occidental.

Periodo d'entreguerras editar

Cuan dimpués d'a Revolución d'Octubre as potencias centrals ocupan amplos territorios en o frent oriental, negocian con o nuevo gubierno ucrainés y reconoixen un Estato lituano a lo que conceden Grodno, Bialystok y Brest. Manimenos o 25 de marzo de 1918 se problamó a republica nacional de Belarrusia sin garra eco. Os polacos dende 1919 preboron de recuperar as mugas de 1772, extendendo a sobiranía polaca por os países rutens que enantes yeran d'a Unión Polaco-Lituana u d'a Republica d'as Dos Nacions. A guerra polaco-sovietica conduce en 1920 a que o territorio d'os Belarrusos quede dividito en dos por una muga a l'este de Minsk, ratificata por o tractau de Riga o 18 de marzo de 1921.

O renaiximiento cultural belarruso se produce en a decada de 1920 en o costato sovietico d'a muga. A Republica Socialista Sovietica de Belarrusia, establita o 1 de chinero de 1919 arredol de Minsk y Bobruisk será una republica costitutiba d'a URSS o 30 d'aviento de 1922 con Rusia, Ucraína e Trascaucasia. Entre 1924 y 1926 s'exampla con Polotsk, Vitevsk, Moguilov y Gomel. Queda una muga fixata entre Rusia y Belarrusia corresponde a la muga entre Rusia y Polonia enantes de 1772. Por un tiempo se fa oficial a luenga belarrusa y se creya una elite intelectual belarrusa, pero o Stalinismo reprimirá estas expresions y diezmará a clase intelectual.

Segunda guerra mundial editar

O Pacto chermano-sovietico de 1939 permite a los sovieticos ocupar a metat occidental de Belarrusia, baixo poder polaco. L'exercito royo fa limpiezas etnicas de población polaca. Muitos polacos son deportatos ta Cazaquistán. En 1941 os alemans atacan a la Unión Sovietica y ocupan Belarrusia. S'organiza una resistencia partisana que se mantién dica a contraofensiva sovietica de 1944. Os Einsatzgruppen eliminan a población chodiga en a retraguarda d'as linias alemanas.

Postguerra y tornata a lo comunismo editar

En 1945, un tratau soviético-polaco fixó como muga entre la URSS y Polonia una muga equivalent a la Linia Curzon, lo que significó a Belarrusia una nueva muga y un ixamplamiento territorial enta l'ueste. Os polacos nunca no heban acceptau esta linia como muga etnica, pero dende 1919 la consideraba asinas la comunidat internacional. Dimpués 1945 os polacos que quedoron a l'este d'a nueva muga se troboron en a situación d'acceptar una nacionalidat diferent u emigrar. D'acuerdo con una investigación recient bels 3 millons de polacos viviban a l'este d'a Linica Curzón, dos cuals arredol de 2.1 u 2.2 murioron, fuyoron, emigroron u fuoron forachitaus enta os nuevos territorios alemans anexionaus por a nueva Polonia.

A Belarrusia d'a postguerra teneba un ministerio d'Afers Exteriors teoricament diferent d'a URSS, y Belarrusia fació part o mesmo que Ucraína d'os fundadors d'a ONU, pero o país dependeba en realidat d'a URSS de tot. A presencia militar sovietica y a construcción de nuevas industrias trayó nueva población rusa y d'atras nacionalidaz d'a URSS fendo que a presencia d'os nativos belarrusos se fuese diluindo en cualques puestos. En o contexto d'a economía planificada sovietica Belarrusia teneba a función de producir equipamiento agricola, tractors, camions, y productos electronicos y d'alta tecnolochía destinaus a l'exercito u a la población (televisions, frigorificos y radios). A instalación d'industrias quimicas y petroquimicas vinió acompanyada d'a construcción d'a nueva ciudat de Navapolatsk, que representaba un foco de contaminación. A presión politica y cultural rusa en a Belarrusia sovietica yera muito fuerte, y por eixemplo a mitat d'a decada de 1980 no i heba garra escuela en Minsk que amostrase belarruso. En zaguerías d'esta decada amanixió o Frent Popular Belarruso. Belarrusia estió o país mes perchudicato por o desastre nucleyar de Chernobil de 1986.

Independencia editar

A independencia de Belarrusia ye mes resultato d'as circustancias que d'a voluntat nacional d'un pueblo que deseye a independencia. Lo que quereban mes os belarrusos yera a fin d'a hechemonía politica d'o Partiu Comunista, unas eleccions libres y reparacions por a esferra de Chernobil.

O golpe militar d'agosto de 1991 en Rusia significó a fin d'a URSS, y o 8 d'aviento de 1991 os presidents de Rusia, Belarrusia y Ucraína firmoron a fin d'a URSS y a formación d'a CEI (Comunidat d'Estatos Independients). Dende ixe inte Belarrusia ha tenito buenas relacions con Rusia.

En setiembre de 1991 a republica prenió o nombre de Belarus en cuenta de Belorosija. Staniskav Chchkevitch se convertió en chefe d'Estato de facto, pero fue destituito y reemplazato en chinero de 1994 por Mietchislav Grib.

Bibliografía editar

Referencias editar

  1. National Statistical portal of the Republic of Belarus
  2. 2,0 2,1 Belarrusia Fundo Monetario Internacional. 1 d'abril 2018
  3. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  4. (en) Fedor, Helen (1995). «Belarus – Climate». Belarus: A Country Study. Library of Congress.


  Ex Unión de Republicas Socialistas Sovieticas (URSS)
Armenia | Azerbaichán | Belarrusia | Cazaquistán | Cheorchia | Estonia | Letonia | Lituania | Moldavia | Kirguizistán | Rusia | Tachiquistán | Turkmenistán | Ucraína | Uzbekistán


  Comunidat d'Estatos Independients (CEI)
Armenia | Azerbaichán | Belarrusia | Cazaquistán | Kirguizistán | Moldavia | Rusia | Tachiquistán | Turkmenistán (asociau) | Uzbekistán


Estaus d'Europa
Abkhasia3 | Albania | Alemanya | Andorra | Armenia2 | Artsakh3 | Austria | Azerbaichán1 | Belarrusia | Belchica | Bosnia y Herzegovina | Bulgaria | Cazaquistán1 | Croacia | Cheorchia1 | Chipre2 | Chipre d'o Norte2, 3 | Chequia | Dinamarca | Eslovaquia | Eslovenia | Espanya1 | Estonia | Finlandia | Francia1 | Grecia | Hongría | Islandia | Irlanda | Italia1 | Kosovo3 | Letonia | Liechtenstein | Lituania | Luxemburgo | Macedonya d'o Norte | Malta | Moldavia | Mónegue | Montenegro | Noruega | Osetia d'o Sud3 | Países Baixos | Polonia | Portugal | Reino Uniu | Rumanía | Rusia1 | San Marino | Serbia | Suecia | Suiza | Transnistria3 | Turquía1 | Ucraína | Vaticano
Dependencias: Åland | Akrotiri y Dhekelia | Chibraltar | Guernési | Isla de Man | Islas Feroe | Jèrri | Svalbard
1 Parti d'o suyo territorio ye difuera d'Europa. 2 Se troba en Asia, pero tien relacions historico-culturals con Europa. 3 Parcialment reconoixiu. 4 No reconoixito