Íxar
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Íxar (Híjar en castellano) ye una villa y municipio de la provincia de Teruel, capital de la comarca de lo Baixo Martín. La suya población ye de 1.949 habitants (2005), en una superficie de 165,4 km².
| Íxar Híjar | ||
| Municipio d'Aragón | ||
| ||
 | ||
| Entidat • País • Provincia • Comarca |
Municipio Aragón.svg){kind=small} TeruelBaixo Martín | |
| Partiu chudicial | Alcanyiz | |
| Superficie | 165,4 km² | |
| Población • Total |
1797 hab. (2013) | |
| Altaria • Meyana |
291 m. | |
| Distancia • 171 km |
enta Teruel | |
| Alcalde | Luis Carlos Marquesan Forcen | |
| Codigo postal | 44530 | |
| Parroquial • Archidiocesi • Arcipestrau • Parroquia |
Zaragoza Íxar Santa María la Mayor | |
| Ríos | Martín | |
| Coordenadas | ||
| Web oficial | ||
.svg)
Cheografía
editarLa part viella ye situada en un pueyo que ye entre un barranco y la ribera de lo río Martín, pero lo lugar tamién ye estendillau por parte de la ribera de lo río. Lo lugar ye en la parte oriental d'un termin ye muito alargau en dirección norueste-sudeste.
Mugas
editar| Lecera, Belchit, Binaceit, Almochuel | La Puebla d'Íxar | Sant Per de Calanda |
| Albalat de l'Arcebispe, Urreya de Gayén | 
|
Alcanyiz |
| Andorra |
Historia
editarLa reconquiesta definitiva fue obra de Galín Ximénez, sinyor de Belchit en tiempos de Remón Berenguer IV.
En 1261 pasó a Ximeno d'Urreya por un pleito que i habió entre Ximeno y Donya Elvira de Luesia sobre la posesión y dreito de la metat de la villa y lo suyo castiello. En 1267 la filla de Don Ximeno cedió la metat de Íxar a Chaime I d'Aragón en pagas por la villa y castiello de Tierga.
En 1268 amanix la sinyoría d'Íxar cuan Chaime I atorga la metat d'Íxar y Urreya d'Íxar a lo suyo fillo borde Pero Ferrández en pagas por unas propiedaz que teneba en lo Reino de Valencia. Este fillo se convertió en lo primer sinyor d'Íxar y prenió como apelliu este toponimo: Pero Ferrández d'Íxar, encomenzando la Casa d'Íxar.
Luengas y parlas
editarLa luenga tradicional d'Íxar ye lo castellano d'Aragón, con substrato aragonés, perceptible sobre tot en la chent viella.
Lo lexico d'intrés etnografico d'Ixar se conoix relativament bien por figurar esta localidat en l'ALEANR, con la sigla Te 200.[2] Por atra part lo erudito local Mariano Laborda replegó muito lexico aragonés en lo segundo tomo de Recuerdos de Híjar.[3] Amés de muitos aragonesismos comuns con tota la val d'Ebro, y amés d'atros aragonesismos comuns con la comarca y las comarcas orientals de la provincia de Teruel (a sobén, chirigallo, charraire), bi ha aragonesismos no documentaus en atros lugars de la comarca: binardo, frajenco, falordia, malenco, alufrar, rebuscallo y sobater. Tamién bi ha presuntos catalanismos como alum y capel.
L'aragonés que se charraba antes de lo castellano de substrato aragonés actual yera prou vital pa que los sinyors d'Íxar y dimpués duques escribisen en romance ya en l'anyo 1300.
Toponimia
editarLa primera mención d'Íxar ye en 1179 cuan donoron Alcanyiz a la Orden de Calatrava:
Lo suyo nombre ye de dificil interpretación. Agustín Ubieto Arteta rechistra as variants Yxar y Xyarc. Atros autors han documentau Izar que no ye problablement significativa en lo fonetico, porque Manuel Alvar explica que a vegadas s'emplegaba pa representar lo fonema fricativo xordo x u sh en textos latinos. La forma Izar en textos romances tardanos, como Pobla de Izar en lo Fogache de 1495, puet estar una prebatina d'adaptación a lo castellano escrito seguindo lo modelo de pex-pez, xata-azada, faxo-haz, ruxiar-rociar.
Son intresants os microtoponimos El Coscollar, Chumilla y el Ciparuelo. Bi ha carreras con nombre que pareix aragonés como La Boleta, La Cantonada, Plano Alto y Plano Bajo. Lo toponimo La Cultía, finca y antigo nuclio de población, ye intresant porque tamién se troba en la microtoponimia ribagorzana (en Lo Pont de Suert, Sas, Esperan, Erta, Peranera, Castellars) y provién de lo latín CULTIVA.
Lo sacerdot Mosen Domingo Gascón escribió los nombres de las partidas ixaranas en Miscelanea Turolense, 21 de lo 20 de marzo de 1897:[4]
- En la parte de lo secano a la dreita de lo Martín: Chumilla, Corral de la Loma, Balsa de Moso, Val de Arcos, Portoleses, Loma Alias, Hoya Sentida, Partidas del Salto, de la Pobleta, de la Manga, Mas del Mosquito, Mas de las Piletas, Albadales, Plano Millé, Valventana y Val de Alacón.
- En la parte de lo secano a la ezquierda de lo Martín, que en conchunto se denomina Campilseco (Campyseco en un texto de 1338-1343) Zabarda, Saladares, Justas, Luercos, Caseta de Laborda, Hoya del Ciego, Filada de Alcaine, Hoya de la Ginebrosa y Val de Espartera. Lo campilseco comprende lo Montecico y lo Monte de Santa Barbara:
- Lo Montecico ye formau por la partida d'ixe nombre, en la sierra de la Puebla entre La Puebla d'Íxar y Sant Per de Calanda y a lo norte de la partida de Campillos ya en la huerta.
- Lo Monte de Santa Barbara ye formau por las partidas de Sabinar y Cabezo del Pino y ye situau a lo sud de las zaicas de las Lianas, Lomas y Canalillas.
- Lo regano ye formau por las partidas de Peirones, Lianas, Campillos, Valdemuzas, Juncares, Canalillas, Faceras, Brazos, Rebelainas, Valtamarices, Vegatillas (a on ye l'actual IES "Laín Entralgo"), Riberos, Planas, Huertos Altos y Vegas.
Bi ha un acueducto conoixiu como acueducto de Valdestremera entre Íxar y La Puebla d'Íxar.
Demografía
editar
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Administración
editarReparto de concellers
editar| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido Popular | 5 | 4 | |||||||
| Partido de los Socialistas de Aragón | 4 | 4 | |||||||
| Partido Aragonés | 1 | ||||||||
| Total | 9 | 9 | |||||||
Alcaldes
editar| Lechislatura | Nombre | Partiu politico |
|---|---|---|
| 1979–1983 | José María Turón Grao [5] | UCD |
| 1983–1987 | José María Esponera Pascual | PSOE |
| 1987–1991 | David Cidraque Bielsa | Partido Popular |
| 1991–1995 | David Cidraque Bielsa | Partido Popular |
| 1995–1999 | David Cidraque Bielsa | Partido Popular |
| 1999–2001 | David Cidraque Bielsa | Partido Popular |
| 2001-2003 | Luis Carlos Marquesán Forcén | Partido Popular |
| 2003–2007 | Luis Carlos Marquesán Forcén | Partido Popular |
| 2007–2011 | Luis Carlos Marquesán Forcén | Partido Popular |
| 2011–2015 | Luis Carlos Marquesán Forcén | Partido Popular |
| 2015-2019 | Luis Carlos Marquesán Forcén | Partido Popular |
| 2019-2023 | Luis Carlos Marquesán Forcén | Partido Popular |
| 2023-2027 | Jesús Antonio Puyol Adell [6] | Partido Popular |
Personalidaz naixidas d'Íxar
editarCategoría principal: Naixius d'Íxar.
- Frai Cheronimo Batista de Lanuza, bispe.
- Martín Batista de Lanuza, churista y chusticia d'Aragón en 1601-1622.
- Mosen Blas Aínsa, escolapio, cosmografo, astronomo y naturalista.
- Florencio Jardiel y Dobato. Canonche de la Seu de Zaragoza.
- José Antonio Dosset Monzón, farmaceutico y naturalista.
- Mosen Pedro Dosset Monzón, qui introdució los tambors en la "Semana Santa Zaragozana".
- Francisco Peralta Ballabriga, bispe de Vitoria.
Molimentos
editar- Castiello d'Íxar, escachau.
Molimentos relichiosos
editar.jpg)
Bi heba muitas ilesias y ermitas, pero en la guerra civil i habió grans destruccions.
- Ilesia de Santa María la Mayor, protechida legalment dende 2001 con a suya declaración como Bien d'Intrés Cultural.[7] Ye d'estilo gotico-mudéchar de lo sieglo XIV, encara que fue muit esviellada en los sieglos XVI-XVIII en estilo renaixentista.
- Ilesia de Sant Blas, relacionada con lo ligallo de pastors.
- Ilesia de Santa Madalena, desapareixida.
- Ilesia de Sant Antón, considerada por bel erudito local l'antiga sinoga. En l'arcada d'una puerta huei cegada bi ha dos rosetas.
- Ilesia de Sant Valero, antigament "de la Santa Cruz".
- Ilesia de Nuestra Sinyora de los Ánchels, de lo convento de los flaires franciscanos.
- Ilesia de lo Santo Sepulcre, de lo sieglo XVII.
Fiestas
editar- Semana Santa.
- Tamborixar.
- Fiestas patronals, 19- 23 d'agosto, Virchen d'o Carmen y Virchen d'Arcos.
Veyer tamién
editarVinclos externos
editar
Se veigan as imáchens de Commons sobre Íxar.- Concello d'Íxar.
Referencias
editar- ↑ (es) Historia de Aragón, dirichita por Eloy Fernández Clemente, La Esfera de los Libros, Madrit, abril de 2008, 1ª edición, ISBN 978-84-9734-722-8, pachina 248.
- ↑ (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo I, Lamina 3, Mapa nº 3.
- ↑ Mariano Laborda: Recuerdos de Híjar. 2. Editau por lo Centro de Iniciativas Turísticas del Cuadro Artístico de Híjar, 1993
- ↑ (es) Mariano Laborda: RECUERDOS DE HÍJAR. Editau por o Centro de Iniciativas Turísticas del Cuadro Artístico de Híjar, 1980
- ↑ (es) Treinta aniversario de las primeras elecciones municipales de la democracia.
- ↑ (es) Consulta el listado de alcaldes que han sido proclamados en Aragón en Heraldo de Aragón
- ↑ (es) Texto en o BOA con a declaración de la ilesia de Santa María la Mayor d'Íxar como Bien d'Intrés Cultural.
Bibliografía
editar- (es) Mariano Laborda: Recuerdos de Híjar. Editau por lo Centro de Iniciativas Turísticas del Cuadro Artístico de Híjar, 1980.
- (es) Mariano Laborda: Recuerdos de Híjar 2. Editau por lo Centro de Iniciativas Turísticas del Cuadro Artístico de Híjar, 1993.
| Municipios d'a comarca Baixo Martín | |
|---|---|
| Albalat de l'Arcebispe | Binaceit | Casterló | Exatiel | Íxar | La Puebla d'Íxar | Sant Per de Calanda | Urreya de Gayén | Zaila |
