Pero Ferrández d'Íxar

Pero Ferrández d'Íxar
Barón d'Íxar
Barón d'Íxar
1268–1299
Predecesor	No bi n'ha
Succesor	Pero Ferrández d'Íxar y Chil
Muerte	1299
Conchuche/s	Marquesa Chil de Rada
Descendencia	Pero Ferrández d'Íxar y Chil
Dinastía	Casa d'Íxar
Pai	Chaime I d'Aragón
Mai	Berenguela Ferrández

Pero Ferrández estió lo primer senyor d'Íxar. Yera fillo de Chaime I d'Aragón y de Berenguela Ferrández. Prenió l'apellito Ferrández d'Íxar por lo toponimo Íxar.

Participó en campanyas melitars pa la reconquiesta de lo Reino de Valencia, Reino de Murcia y dica Secilia. Tamién participó en a cruzata de Chaime I en Tierra Santa.

Lo suyo padre li atorgó en 1268 la metat d'Íxar y Urreya d'Íxar a cambeyo d'unas propiedatz que teneba en lo Reino de Valencia. Fundó en lo termin d'Íxar lo lugar de La Puebla de Gayén con moriscos en un puesto dito antes Gayén, y este lugar fue adhibito a la senyoría.

Se casó en segundas nupcias con Marquesa Chil de Rada, filla de Tibalt I de Navarra, con qui tenió descendencia.

Ye mencionato en textos en aragonés medieval como en lo que lo suyo fillo churó los privilechios d'Íxar:

Sepan todos omnes que martes día de Sant Luch 17 días andados de Octubre fue cridado concello publicament por la villa de Ixar y aplegado de los vecinos del mismo lugar en el castiello de Ixar ante el noble don Pero Ferrandez sennior del dicto lugar, filius que fué del noble don Pero Ferrandez et donna Marquesa Gil de Rada muller del, sennyores que fueron de Ixar et demostraron el dicto concello y leyer ficieron ante el dicto noble el privilegio de la población de Ixar

E tamién en a "Cronica de San Chuan d'a Penya":

Et encara mas engendró el dito rey Don Jayme cuatro fillas, la primera huuo nombre Violant, la qual fué muller de Don Alfonso fillo primogénito del Rey de Castiella, el qual depues fué esleydo por Emperador de Alemanya, mas non lo obtuuo por algunas razones, et la otra Gostancia dióla por muller a Don Manuel hermano del dito Alfonso rey de Castiella. Et Isabel et casóla con Phelip fillo primogénito del Rey de Francia; la quarta huuo nombre Maria la qual no huuo marido. Et hauía otros fillos et fillas sins daquestos; de Doña Teresa Gil de Bidaure noble dueña hauie a Jayme de Xérica et a Pedro de Ayerue et fueron legitimos que la madre probó aquello con grant esfuerço. Et de otras dueñas auie a Ferrant Sanchez de Castro et a Pedro Ferrandez de Ixar

Predecesor: No bi n'ha

Senyor d'Íxar 1268-1299

Succesor: Pero Ferrández d'Íxar y Chil

Bibliografía

• Demelsa Ortiz Cruz: El señorío, luego ducado de Híjar. Cuadernos del Ducado de Híjar 1: El Legado cultural. 2008. Archivo Ducal de Híjar.