Abrir menú principal

Senyoría d'Íxar

(Reendrezato dende Sinyoría d'Íxar)

La senyoría d'Íxar comprendeba los lugars d'Íxar, Urreya d'Íxar, La Puebla de Gayén y la Puebla d'Albortón, lo creyó Chaime I d'Aragón pa lo suyo fillo Pero Ferrández lo 20 d'abril de 1268 y en 1483 esdevinió lo ducato d'Íxar.


Senyoría d'Íxar

Corona de señor 2.svg
Corona de sinyor

Información cheneral
Primer titular Pero Ferrández d'Íxar
Concesión Chaime I d'Aragón
20 d'abril de 1268
Linache(s) Casa d'Íxar

La fundación d'esta senyoría churisdiccional ye d'alcuerdo con una tradición de los reis d'Aragón que consistiba en creyar infantatos pa lurs fillos bordes, dando-lis importants beneficios como rendas senyorials, tierras, villas y castiellos.

Pero Ferrández, primer sinyor d'Íxar prenió l'apellito Ferrández d'Íxar por lo toponimo. Y fundó en lo termin d'Íxar lo lugar de La Puebla de Gayén con moriscos en un puesto dito enantes Gayén.

Pero Ferrández d'Íxar y Gil, segundo sinyor d'Íxar, adhibió a la senyoría la metat de la villa de Belchit y La Puebla d'Albortón.

Chuan Ferrández d'Íxar y Centelles, dito l'Orador, quatreno sinyor d'Íxar, estió embaixador, consellero y mayordombre d'Alifonso V d'Aragón, y lo "Magnanimo" li donó Binazeit y li vendió Lecera. Alavez la Casa d'Íxar esdevinió una de las casas nobiliarias més importants d'Aragón.

Chuan Ferrández d'Íxar y Cabrera consiguió que Ferrando II d'Aragón li dase lo títol de duque en 1483, con lo que la sinyoría d'Íxar esdevinió lo ducato d'Íxar, manimenos lo suyo hereu no teneba o títol de duque d'Íxar (pero si que en yera de Lecera y Aliaga). La serie ducal d'Ixar se reanudó con Chuan Francisco Ferrández d'Íxar y Ferrández d'Heredia por autorización de Felipe II d'Espanya en 1599.

Lista de sinyors d'ÍxarEditar

BibliografíaEditar

  • Demelsa Ortiz Cruz: El señorío, luego ducado de Híjar. Cuadernos del Ducado de Híjar 1: El Legado cultural. 2008. Archivo Ducal de Híjar.