Abrir menú principal
Escudo d'a Casa d'Íxar

La Casa d'Íxar estió una familia noble d'orichen reyal por haber-se orichinato en Pero Ferrández d'Íxar, fillo de Berenguela Ferrández y de Chaime I d'Aragón, qui lo 20 d'abril de 1268 atorgó a lo suyo fillo la senyoría d'Íxar. La fundación d'esta senyoría churisdiccional ye d'alcuerdo con una tradición de los reis d'Aragón que consistiba en creyar infantatos pa lurs fillos bordes, dando-lis importants beneficios como rendas senyorials, tierras, villas y castiellos. Pero Ferrández, primer sinyor d'Íxar prenió l'apellito Ferrández d'Íxar por lo toponimo. La casa d'Íxar destacó por la participación en la politica interna y externa de lo Reino d'Aragón, estando present en las campanyas melitars de Valencia, Murcia y Secilia. En 1483 esdevinió lo sinyor d'Íxar fue nombrato "duque".

La Senyoría d'Íxar comprendeba los lugars de Íxar, Urreya d'Íxar, La Puebla de Gayén y la Puebla d'Albortón. Lo primer sinyor d'Íxar fundó en lo termin d'Íxar lo lugar de La Puebla de Gayén con moriscos en un puesto dito enantes Gayén.

Pero Ferrández d'Íxar y Gil, segundo sinyor d'Íxar adhibió a la senyoría la metat de la villa de Belchit y La Puebla d'Albortón.

Chuan Ferrández d'Íxar y Centelles, dito l'Orador, quatreno sinyor d'Íxar, estió embaixador, consellero y mayordombre d'Alifonso V d'Aragón, y lo "Magnanimo" li donó Binazeit y li vendió Lecera. Alavez la Casa d'Íxar esdevinió una de las casas nobiliarias més importants d'Aragón.

En 1462 la Bailía d'Aliaga fue ocupata por lo sinyor d'Íxar Chuan Ferrández d'Íxar y Cabrera, partidario de la causa de lo prencipe de Viana. Dimpués lo sinyor d'Íxar se reconcilió con lo rei Chuan II d'Aragón y en recibió lo Condato d'Aliaga y Castellot en 1464, este condato yera formato por antigas posesions de la Orden de lo Hespital: las localidatz de Castellot, las Cuevas de Canyart, Bordón, Luco de Bordón, Auguaviva, La Chinebrosa, Aliaga, Villarroya de los Pinars, Fortanet, Las Dos Torres de Mercader, Santolea, Seno, Lo Mas de las Matas y la metat de Nombrevilla. Con esta donación s'entendeba que lo rei se comprometeba a obtener de la Santa Seu la suya confimación. Manimenos quan morió Chuan II la Casa d'Íxar y los comandadors de la Orden de lo Hespital no yeran d'alcuerdo y dimpués d'un pleito luengo los lugars tornoron a ixa Orden.

Ferrando II d'Aragón compensó a la Casa d'Íxar puyando de categoría a la Baronía d'Íxar, que esdevinió un ducato o 16 d'abril de 1483, lo Ducato d'Íxar. Dimpués por l'aduya de la Casa d'Íxar en l'afer de Navarra tamién puyó a ducato lo recient creyato Condato d'Aliaga lo 10 d'octubre de 1487. Manimenos lo suyo hereu no teneba lo títol de Duque d'Íxar (pero si que en yera de Lecera y Aliaga). En l'anyo 1528 lo rei Carlos I d'Espanya reconoixió como "grans d'Aragón" a ueito casas nobles, entre ellas los Ferrández d'Íxar como contes de Belchit, representatos por Loís Ferrández d'Íxar Arellano, segundo conte de Belchit.

La serie ducal d'Ixar se reanudó con Chuan Francisco Ferrández d'Íxar y Ferrández d'Heredia por autorización de Felipe II d'Espanya en 1599, y dende ell existirá o títol de duque d'Íxar transmeso de cheneración en cheneración. Dende que la cort se quedó fixata en Madrit en 1561 los duques d'Íxar i establioron la suya residencia pa mantener la suya posición y privilechios. Esto fació que en lo ducato quedasen enfortita la posición de los suyos administradors. A la muerte d'este duque lo 13 d'abril de 1614 la suya filla Donya María Estefanía Ferrández d'Íxar y Castro-Pinós. Lo ducato d'Íxar lo heredó breument Donya María Estefanía (1614-1616) y dimpués Donya Isabel Margalida d'Íxar Pinós (1620-1642), casata con Don Rodrigo Sarmiento de Silva Mendoza y Villadrando de la Cerda, III conte de Salinas y Ribadeo, marqués de Alenquer.

En lo reinato de Felipe IV d'Espanya lo cinqueno duque d'Íxar Don Rodrigo Sarmiento de Silva, de Villandrando y de la Cerda se sublevó.

Lo IX Duque d'Íxar Don Joaquín-Diego de Silva Ferrández d'Íxar y Porto-Carrero, Funes de Villalpando (1749-1758) se casó lo 20 de marzo de 1739 con Doña María Engracia, Engracia Abarca de Bolea y Pons de Mendoza, Ximénez d'Urreya y Bermudez de Castro, filla d'o IX Conte d'Aranda Don Buenaventura de Abarca de Bolea. Lo solo fillo d'este matrimonio estió Don Pedro Pablo Alcántara Fadrique, que hederó totz los títols y estatos de los duques d'Íxar y los contes d'Aranda.

Lista de sinyors d'ÍxarEditar

Lista de duques de la casa d'ÍxarEditar