Coscollar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre os coscollars, formacions de coscollos. Ta atros usos de «coscollar» se veiga Coscollar (desambigación).

Un coscollar u coscullar ye un matullar u extensión arbustiva feita de coscollos (Quercus coccifera) u en a cual a especie predominant sía o coscollo.

Una mata de coscollo, principal component d'o coscollar.

Os coscollars son formacions tipicas de solans en climens mediterranios d'Eurasia, muit especialment en a cuenca d'a mar Mediterrania. O coscollo ye una especie muit adaptable, que tolera suels acidos y basicos por igual, y comparte os requerimientos ecolochicos d'a suya parient a carrasca, con mayor tolerancia a la sequera de veranos, por o que tamién coloniza terrens en os que as Quercus arborias no se gosan desarrollar bien.

O coscollar ye a primer formación que amenece sobre os terrens de carrascosas cremadas por fuegos u incendios forestals, y da paso a l'aparición de carrasquizas que se benefician de la uembra y mayor conservación de a humedat que as suyas parients arbustivas proporcionan. Os coscollos, en forma de coscollar compartiu con belatras especies, fan parte de a garriga, un tipo de formación vechetacional propia d'os países mediterranios. Tamién son frecuents en as maquias en as sierras litorals y pre-litorals catalanas y valencianas, que penetran en Aragón en zonas como os puertos de Beceit y en cheneral en l'alto Matarranya, sudeste d'o Baixo Aragón y o Mayestrato.

Se veiga tamién

• Bruqueral.
• Carrascar.
• Caixigar.
• Aliagar.
• Chordonal.
• Barzal.

• Datos: Q13048840