Alma

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

L'alma ye en muitas relichions y escuelas filosoficas a parti immaterial u espritual d'un ser vivo, a sobén considerata como eterna. Se creye, por un regular, que ye constituyita por a consciencia y a personalidat d'o ser, y puet estar sinonimo d'esprito u mente. En a teolochía, l'alma a sobén se creye que vive en a presona dimpués d'a muerte, y bellas relichions postulan que Dios creya almas. En bellas culturas, se dice que encluso os ser vivos no humans u obchectos inanimatos tienen alma, se conoixe ista creyencia como l'animismo.

Una pintura an que se veye a luita entre un ánchel de Dios y un demonio por un alma humana.

Etimolochía

Etimolochicament a parola d'o latín anima s'emplegaba ta designar o principio por o cual os sers animatos teneban movimiento propio. En ixe sentido orichinario tanto os animals como os sers humanos tenerban alma.

Os echipcios distinguiban entre ka y ba. En a tradición griega diferenciaban nous y psiqué. En as tradicions semitas (por eixemplo os arabes y hebreus), distinguiban entre neshamad y nefesh, que Sant Cheronimo tradució como a biblia Vulgata como spiritus y anima. Pa o caso d'a tradición popular altoaragonesa Chabier Tomás Arias opina que espritu y alma no pareixen sinonimos, y troba alma lexicalizata como almeta en bels contextos. Concluye que esta distinción puet remontar-se a lo feito que en cuasi totas as antigas culturas se distinguiba entre diferents tipos d'entes inmaterials en o cuerpo.