Mitolochías pirenencas
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
As mitolochías pirenencas son o conchunto de mitolochías d'os pueblos que habitan en os Pireneus, actualment os aragoneses, catalans, gascons, nabarros, occitans y bascos.
Os mitos que trobamos en o País Basco, Navarra, Iparralde, Aragón, Catalunya, Lenguadoc y Gascunya tienen elementos comuns por representar un aria natural que ha recibito as mismas influencias con importancia desigual.
Bi ha diferents estratos: elementos preindoeuropeus, elementos indoeuropeus (en especial celtas), elementos romanos, (y ya os romanos heban asimilato elementos griegos), elementos cristianos y elementos d'o ciclo carolinchio.
Entre os elementos que destacan y se troban mas estendillatos tenemos:
- As divinidaz de lacos, ríos u fuents, conoixitas por muitos nombres, como moras, pero en especial lamias.
- O sinyor d'as selvas o Basajarau.
- Chigants, homes granizos, ogros, moros u chentils, que construyen megalitos u viven en una montanya y fan que bi haiga tronadas.
- O Caballo Blanco u Zamaria Xuria: un caballo relacionato con os muertos.
- Mitos antigos relacionatos con l'onso.
- Simbols y amuletos protectors contra as bruixas y malos espritos: religadas, cardinchas.
- O cazataire maldito y os suyos cans.
- Referencias a lo personache de Roldán.
- Referencias a lo Santo Gredal.
A mitolochía pirenenca se troba en grau mas puro en as zonas bascofablants, pero os mesmos elementos gosan trobar-sen en atras zonas con menor intensidat. Tamién ye verdat que en o País Basco i ha habito una labor de replega mas gran.
En as zagueras decadas s'ha descubierto que l'aria catalana conserva recontamientos mitolochicos de folletz y menutos, relacionatos con l'antigo consumo d'o fongo Amanita muscaria, y que tienen paralelos en o centro y norte d'Europa.
Datos: Q13049616
