Muerte

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A muerte (d'o latín < MORTE(M))^[1] ye a fin permanent d'as funcions biolochicas que definen un ser vivo. Se refiere tanto a la terminación en si como lo estato posterior de l'antigo organismo. L'autentica naturaleza d'o que viene dimpués d'a muerte ha estato dende fa milenios una preocupación central d'as tradicions relichiosas y filosoficas de tot o mundo. Muitas relichions tienen fe u creyen en una mena de mas allá u bien en a reencarnación. Ta muitos, l'efecto d'a muerte fisica sobre cualsiquier posible mente u alma contina estando una pregunta ubierta. Ta la ciencia contemporania, la muerte d'un organismo ye final.

A cara simbolica d'a muerte, detalle d'una pintura de Philippe de Champaigne.

Cuasi sin garra excepción (se veiga hydra), os animals mueren a sobén de viellera. Bel fenomeno que interviene y que a ormino pueden causar una muerte prematura incluyen a malnutrición, a predación, a malautía, os accidents que provocan traumatismos terminals u, en circunstancias estremas, una grieu perturbación d'un ecosistema. As actividaz humanas voluntarias que prevocan a muerte incluyen o suicidio, l'homicidio y a guerra. Cada día mueren alto u baixo 150.000 personas en tot o mundo.^[2] A muerte en o mundo natural tamién se puet producir como resultato indirecto de l'actividat humana: una causa creixient d'estinción d'especies en tiempos recients ha estato a destrucción de sistemas ecolochicos como consecuencia d'a expansión d'a tecnolochía industrial.^[3]

L'obchectivo principal d'a ciencia medica ha estato prolargar y evitar a muerte. En iste contexto, a muerte ye vista mas como un proceso que un escaicimiento; condicions que d'antis mas yeran consideratas indicadoras de muerte son actualment reversibles.^[4] Cuan se traza una linia divisora entre a vida y a muerte, cal parar cuenta en atros factors amás d'a presencia u ausencia de signos vitals. Por un regular, a muerte clinica no ye ni necesaria ni suficient ta determinar a muerte legal. Un pacient con un corazón y polmons funcionals que tienga muerte cerebral se puet declarar legalment muerto sin que s'haiga producito a muerte clinica.

Tipos de muerte humana

Muertes sin de intención:
- La muerte natural, produita por una malautía o por viellera.
- La muerte accidental, produita por un achent externo de manera involuntaria o por l'azar.
Las muertes intencionatas:
- La muerte produita por un atro u homicidio, incluitas as guerras y a pena de muerte (pa bella persona tamién l'aborto y a eutanasia).
  - Asasinato.
  - Parricidio.
  - Genocidio y etnocidio.
  - Feminicidio.
  - Fratricidio.
  - Infanticidio.
  - Magnicidio.
- O (suicidio) y o sacrificio que tamién puet estar ritual.

Bibliografía

(es) Huisman-Perrin, E. La muerte explicada a mi hija. Barcelona: El Aleph, 2003.
(es) León Azcárate, Juan Luis de. La muerte y su imaginario en la historia de las religiones. 2ª edición. Bilbao: Universidad de Deusto, 2007. ISBN 978-84-9830-101-4.
(es) Lonetto, R. y Templer, D. I.. La ansiedad ante la muerte. Barcelona: Ediciones Temis, 1992.
(es) Josef Pieper. Muerte e inmortalidad. Herder, 1982. ISBN 978-84-254-0530-3.
(es) Cobo Medina, C.. Los tópicos de la muerte. La gran negación. Madrit: Ediciones Libertarias, 2000.