Severino Pallaruelo

escritor espanyol
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Severino Pallaruelo Campo
Información personal
Calendata de naixencia 1954
Puesto de naixencia Puyarruego (Sobrarbe, Aragón)
Ocupación Escritor, cheografo, historiador y etnologo

Severino Pallaruelo Campo, naixiu en Puyarruego (val de Puértolas, Sobrarbe, Uesca) en 1954, ye un escritor y profesor d'instituto aragonés.

Ye licenciau en Cheografía y Historia y imparte as asignaturas de ciencias socials en o IAS Biello Aragón de Samianigo. Difueras d'a suya actividat profesional en pedagochía, ha publicato numerosas obras sobre cheografía, historia y etnolochía d'Aragón, poesía y a letra de bels d'as cancions d'a La Rolda de Boltaña.

Biografía editar

Naixiu d'un chicot lugar d'a val de Puértolas en o corazón d'os Pireneus, Severino Pallaruelo ha estau o testimonio d'a vida ruda y d'a panda desertificación d'os lugars. Estió profesor en o Instituto de Samianigo (Alto Galligo). Estcribió sobre os mitos, os ritos y as tradición d'os Pireneus, asinas como tamién d'obras d'etnolochía, cuentos y novelas inspiradas en a suya conoixencia d'o país.

Ha publicau escritos sobre oficios antigos, tals como os navaters: Las Navatas (1984), os pastors: Pastores del Pirineo (1988), os moliners: Los Molinos del Alto Aragón (1994). Os suyos escritos literarios son siempre amanaus a la naturaleza y a os paisaches aragoneses. Muitas d'as suyas obras son ilustradas con as suyas propias fotografías. En 2010 publica o libro O trasgresor piadoso en aragonés, a suya luenga materna, dimpuesas de 30 anyos sin escribir en aragonés. Se tracta d'un libro de poemas, reflexions y dibuixos, feitos en un aragonés muit rico.

En 2005 recullió o premio Truco, atorgau por o Festival de musique et de culture pyrénéennes. En 2010, recullió por Tristes montagnes, a traducción ta lo francés d'a suya obra Pirineos, tristes montes o premio literario d'o Salón d'o Libro Pirenaico de Banyeras de Bigorra.

Publicacions editar

  • 1984: Viaje por los Pirineos misteriosos de Aragón, Zaragoza.
  • 1984: Las Navatas, Huesca, Instituto aragonés de antropología.
  • 1988: Pastores del Pirineo.
  • 1990: Pirineos, tristes montes, reed. Xordica, 2008. Trad. francesa: Tristes montagnes, Paris, éditions Ramonda, 2010.
  • 1991: Guía del Pirineo aragonés.
  • 1992: Pirineos, diario de la naturaleza.
  • 1993: Bardaxí : cinco siglos en la historia de una familia de la pequeña nobleza aragonesa, Sabiñanigo, Huesca (Instituto Laboral, 30). ISBN 84-604-5860-1
  • 1994: Los Molinos de Alto Aragón.
  • 1997: Un secreto y otros cuentos.
  • 2000: José, un hombre de los Pirineos, Zaragoza, Prames.
  • 2002: Guali, Zaragoza, Prames.
  • 2006: Comarca de Sobrarbe. Gobierno de Aragón, Centro del Libro de Aragón.
  • 2008: Zaragoza Turistica. Zaragoza, Prames.
  • 2010: O trasgresor piadoso, Zaragoza, Xordica.
  • 2013: Ruido de Zuecos, Xordica.
    • El prodigio, Instituto de Estudios Altoaragoneses.
  • 2018: Cadenzias, Rolde de Estudios aragoneses. Varios autors, replegada de poesías en aragonés.

Vinclos externos editar