Salaria fluviatilis

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Salaria fluviatilis
Un eixemplar de Salaria fluviatilis
Denominacions populars
burret, bárbol flaire
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Actinopterygii
Orden:	Perciformes
Familia:	Blenniidae
Chenero:	Salaria
Especie:	S. fluviatilis
Descripción
Salaria fluviatilis Asso, 1801

Salaria fluviatilis (Asso, 1801) ye una especie de peix d'augua dolza de la clase Actinopterygii, orden Perciformes y familia Blenniidae, la sola especie d'augua dolza d'esta familia. Presenta una distribución circummediterrania y fue descrito cientificament por primera vegada por lo naturalista aragonés Ignacio Jordán Claudio de Asso y del Río.

Zoonimia

No se conoix lo nombre que tenió en aragonés cuan se charraba en zonas de la depresión d'Ebro a on encara se troba u cuan se distribuiba como abundant por endreituras a on encara se charra aragonés. En catalán de Nonasp li dicen burret, denominación que en catalán s'aplica tamién a los blenidos d'augua salada.

Distribución cheografica

Presenta una distribución tipicament circummediterrania, trobando-se en ríos y zonas humidas de tierras que rodeyan la Mar Mediterrania: val d'Ebro, Catalunya, Occitania, Suiza, Italia, Croacia, Montenegro, Albania, Grecia, Turquía, Siria, Chordania, Liban, Israel, Alcheria y Marruecos. Tamién se troba en Portugal.

En Aragón se puet u podeba trobar en los ríos Ebro (incluitos los entibos de Mequinenza y Ribarroya), Matarranya, Guadalop, Cinca, y los suyos afluents Guatizalema, Alcanadre, Flumen, Susía, Isuala y Vero. Tamién se troba en la Canal Imperial d'Aragón y la cequia de Pina d'Ebro.

Conservación

Encara que globalment no ye en periglo de desaparición, en la val d'Ebro ye cada vegada mes escaso, trobando-se en pocos puestos.

Las accions humanas que amenazan la suya existencia son la destrucción de l'habitat, la extracción de gravas, la extracción d'augua, la canalización de los ríos, las entibaderas y la contaminación de los ríos que produce eutrofización

La conservación de Salaria fluviatilis influye en la conservación de Margaritifera auricularia, bivalvo d'augua dolza que presenta una etapa de lo suyo ciclo biolochico como parasito en las branquias d'este peix.

Vinclos externos

• Se veigan as imáchens de Commons sobre Salaria fluviatilis.
• Wikispecies tiene un articlo sobre Salaria fluviatilis.

• Datos: Q837644
• Multimedia: Salaria fluviatilis / Q837644
• Especies: Salaria fluviatilis