Liban

Liban (en arabe لبنان, oficialment a Republica Libanesa, الجمهوريّة اللبنانيّة en arabe, en arameu לבנאנ) ye un estato d'Orient Meyo que muga a o sud con Israel, a l'este y a o norte con Siria, y a l'ueste con a mar Mediterrania. A capital d'o país se troba en a ciudat de Beirut.

Republica Libanesa الجمهوريّة اللبنانيّة Al-Chumhūriyyah al-Lubnāniyyah République libanaise
(En detalle) (En detalle)
Lema nacional:
Himno nacional: Koullouna Lilouataan Lil Oula Lil Alam
Capital	Beirut
Mayor ciudat	Beirut
Idiomas oficials	Arabe1
Forma de gubierno President Primer Menistro	Republica Michel Aoun (ميشال عون) Najib Mikati (نجيب ميقاتي)
Independencia Reconoixita	22 de noviembre de 1943
Superficie  • Total  • % augua	Posición 160º 10.452 km² 1,6%
Población  • Total  • Densidat	Posición 123º 3.826.018 358 hab/km²
PIB (PPA)  • Total ([[]])  • PIB per capita	Posición º
Moneda	Libra Libanesa
Chentilicio	Libanés/a
Zona horaria	UTC+2
Dominio d'Internet	.lb
Codigo telefonico	+961
Prefixo radiofonico
Codigo ISO
Miembro de: ONU
1Tamién se parlan francés, dialecto arabe-libanés, anglés y armenio

A suya población ye de 3.826.018 habitants (2005) en una superficie de 10.452 km², con una densidat de población de 358 hab/km².

Liban prene lo suyo nombre d'o Mont de Liban. Ye un estato que creyó Francia quan yera potencia colonial pa os maronins. O territorio d'o Liban se disenyó con o territorio d'os maronins y territorios habitatos por musulmans y atros cristians anyaditos pa fer-lo més viable. Con o tiempo o mayor creiximiento demografico d'os musulmans fació inviable un estato controlato por a minoría maronina. Consiguió la suya independencia d'a potencia colonial francesa lo 22 de noviembre de 1943, quan Francia encaya yera ocupada por as tropas d'o Tercer Reich, en plena Segunda Guerra Mundial. Dende la independencia d'o país, Liban esdevenió un estau prospero y lo prencipal centro finenciero d'a redolada, dica que con a Guerra civil libanesa (que duró 15 anyadas, dende 1975 dica 1990), ls suya economía s'esboldregó y se crebó lo suyo equilibrio politico. Quan pareixeba que lo país alazetaba un nuevo periodo de creiximiento economico, esclató la guerra d'o Liban de 2006 entre Israel y las milicias d'Hezbollah, que provocó muitos danyos en la infrastructura d'o Liban. Dende alabez o país se troba inmerso en guerras y conficltos internos y externos; tanimientres, torna a estar un important centro cultural y financiero en la rechión, estando amás o país más occidentalizau d'o Proximo Orient.

Vinclos externos

• Se veigan as imachens de Commons sobre Liban.
• (ar) / (en) / (fr) Pachina web oficial d'o Gobierno de Liban.