Abrir menú principal

Ranyín (/ra'ɲin/; oficialment, en castellano, «Rañín»[1]) ye un lugar aragonés en o municipio de a Fueva, en a comarca de Sobrarbe y a provincia de Uesca. A suya población ye de 41 habitants (2011[1]).

Ranyín
Localidat d'Aragón
04.Rañín.jpg
Ranyín dende a pista de Solipueyo.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

41 hab. (2011)
Altaria 834 m.
Distancia
 • 129 km
 • 19 km
 • 5,5 km

enta Uesca
enta l'Aínsa
enta Tierrantona
Codigo postal 22337
Patrons Asumpción de María
Parroquial
 • Diocesi
 •Arciprestato

Balbastro-Monzón
Sobrarbe
Ríos A Usía
Ranyín en Aragón
Ranyín
Ranyín
Situación de Ranyín en Aragón

Contenius

CheografíaEditar

Ranyín se troba en un cantimplano de poqueta inclinación en as garras occidentals d'a sierra de Campanué, en a man de a dita sierra que mira t'a Fueva, en fendo parte d'ixa subcomarca sobrarbenca. Ye chusto en l'altura d'un promontorio chiquilín que o fa devantar por alto d'as fincas agricolas que l'arrodeyan.

En norte de Ranyín, de camín ta o puerto de Foradada, a solana de lugar remata abruptament en un vallón con terreros por a on que i baixa o barranco d'a Usía, corso d'augua principal en a Fueva que naixe amán de o lugar.

Politicament, Ranyín yera cabecera de municipio dica o censo de 1857[2] y formaba achuntamiento de conchunta con Solipueyo y o Lumo de Ranyín. Dende 1857 l'antigo municipio se va trobar incorporau en o municipio de Moriello de Monclús[2] y dende a decada de 1960 fa parte d'o municipio d'a Fueva. Disposa de dos pistas asfaltadas que o comunican a una con Tierrantona (a cabecera d'o municipio) por Solipueyo y Buetas, y l'altra con a carretera local HU-V-6442 (Tierrantona-nacional N-260) por debant de Charo, baixando por O Lumo y por a Lueza.

DemografíaEditar

Evolución demografica
1992 1994 1996 1997 1998 1999 2000 2001 2002
- - - - - - 41 43 43

2003 2004 2005 2006 2007 2008 2009 2010 2011
41 42 56 48 43 42 40 38 41

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

MonimentosEditar

A ilesia de de Ranyín ye o monimento principal d'a población. Se tracta d'una ilesia d'oríchens romanicas que ha gosau sufrir remodelacions en sieglos posteriors, especialment en o sieglo XVI y XVII. Ye consagrada a l'advocación de Santa María de l'Asumpción.[3]

A nau ye sola, con forma de cruz latina,[3] y tiene un abside semicircular que ye o solo vestichio que fa dir d'as suyas oríchens romanicas. A ilesia se va enamplar ta fer-le naus laterals, que son como dos ixamplaus en as garras d'o crucero. Una imáchen de a virchen María, picada en madera, se guardaba en a ilesia pero en l'actualidat ye en o Museu Diocesano de Balbastro.[4]

ImáchensEditar

FiestasEditar

ReferenciasEditar

Vinclos externosEditar