Montero

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Iste articlo ye sobre un lugar aragonés d'o municipio d'a Fueva en Sobrarbe. Ta atros usos, se veiga Montero (desambigación).

Montero ye una pardina aragonesa d'o municipio d'a Fueva, en a comarca de Sobrarbe y provincia de Uesca. Actualment se troba despoblada.

Montero
Despoblau d'Aragón
Entidat  • País  • Provincia  • Comarca  • Municipio	Despoblau  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	0 hab. (2010)
Distancia  • 127 km  • 17 km  • 9 km	enta Uesca enta L'Aínsa enta Tierrantona
Codigo postal	22394
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas
Montero Montero en Aragón

Montero ye una sola casa chica, que s'acompanya de bella borda y un fornillón ta o pan. Se troba en a man que mira t'a val d'a Cinca de a sierra de Muro de Roda, debaixo de Muro de Roda en as garras d'o tozal que en l'altura i tiene a ixe lugar fortificau. A pardina se a puede trobar a man d'o camino que, en surtindo de l'aldeyeta de a Corona, marcha obliquo en sentido sud-ueste por a baixant cara ta l'entibo de Mediano y remata en Arasanz. Chusto de frente de Montero, a poquetz cientos de metros, s'alviran as enrunas d'o lugar de a Lecina.

En chunto con belaltras pardinas d'a redolada, y con os lugars de Menistirio, Arasanz, Muro de Roda y o Lumo de Muro, va fer parte d'o municipio de Muro de Roda dica a suya absorción en a Fueva en a decada de 1960.