Fusta

(Reendrezau dende Madera)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000

A fusta (palabra d'uso historico en aragonés)[1][2], u mas a sobén en aragonés moderno madera,[3] ye a materia lenyosa d'o tronco d'una planta, mas que mas en árbols y matullos que se caracterizan por tener troncos. En un sentito mas amplo, a fusta puet referir-se a atros materials y teixitos con propiedaz comparables. A fusta ye un material heterochenio, higroscopico, celular y anisotropico. A fusta se composa de fibras de celulosa (entre o 40% y o 50 %), d'hemicelulosa (entre un 15% y un 25%) unitas por lignina (entre un 15% y un 30%).

Fusta en una selva de Finlandia.

A fusta la producen y emplegan as plantas con fins estructurals, porque resulta estar un material estructuralment efectivo, por ista mesma caracteristica s'usa amplament por os humans.

Una vegata tallata y xuta, a fusta se fa servir ta muitas aplicacions diferents. Una d'ellas ye a fabricación de polpa u pasta, materia primera ta fer papel. Artistas y fusters tallan y unen trozos de fusta con ainas especials, ta fins practicas u artisticas. A fusta ye tamién un material de construcción muit important dende os prencipios d'as construccions humanas y contina estando-lo hue.

Referencias editar

  1. (es) PALLARUELO CAMPO, Severino. Navateros. Ed. PRAMES, Zaragoza, 2008. ISBN 978-84-8321-256-1
  2. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.251
  3. (an)(es) ROMANOS HERNANDO, Fernando, Diccionario aragonés-castellano castellano-aragonés; Edicions Transiberiano. Zaragoza, 2017. ISBN 978-84-16825-16-5

Bibliografía editar

  • (es) Vignote Peña, Santiago . Tecnología de la madera. Mundi prensa libros, 2006. ISBN 9788484762638.

Vinclos externos editar