Abrir menú principal
Iste articlo tracta sobre Clamosa. Ta altros usos d'o toponimo Clamosa se veiga Clamosa (desambigación).

Clamosa ye un lugar aragonés d'o municipio d'a Fueva, en a comarca de Sobrarbe y a provincia de Uesca. Actualment a suya población ye de 3 habitants (2011[1]).

Clamosa
Localidat d'Aragón
Presa de El Grado.jpg
L'Entibo de lo Grau dende os arredols de Clamosa.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

3 hab. (2011)
Altaria 652 m.
Distancia
 • 109 km
 • 36 km
 • 21,8 km

enta Uesca
enta L'Aínsa
enta Tierrantona
Codigo postal 22438
Patrons Asumpción de María
Parroquial
 • Diocesi
 •Arciprestato

Balbastro-Monzón
Ribagorza
Clamosa en Aragón
Clamosa
Clamosa
Situación de Clamosa en Aragón

Clamosa yera capital d'un municipio de dreito propio, que heba nombre Clamosa,[2] d'o qual feba parte tamién Caneto[3] y a Peniella,[3] y os lugarichons de Bediello[3] y a Selva,[3] totz cinco en o vallón d'o barranco de Clamosa. A partir d'o periodo intercensal de 1842-1857 se i incorpororon dos d'os tres nuclios d'a vecina val d'o barranco d'o Salinar, Trillo[2] y Salinas,[2] en remanindo Troncedo como municipio deseparau. O municipio desapareixió en a decada de 1960 en dir-se despoblando os lugars y pardinas que en feban parte, sobretot con as succesivas inauguracions d'os dos entibos que arruinoron a redolada: L'entibo de lo Grau (1968) y l'entibo de Mediano (1969).

Clamosa ye un lugar que se troba engarrotau en un cerret penyascoso, con una estructura urbana alazetada en as casas pretas d'entre ellas y contra la penya, lo que fa pensar en un planiamiento defensivo caracteristico d'as poblacions antigas. En l'altura d'o lugar se i troba as enrunas d'un castillet modesto (que beluns datan en o sieglo XI[3][4]) que probablement explica las oríchens de l'asentamiento. O castillet posiblement se complementaba con o d'Escaniella, y totz dos con os poderosos castiellos de l'Abizanda y Troncedo, en un aria tan en sud de o Sobrarbe que en belaltro tiempo fué mugadera con a espanya musulmana.

Clamosa teneba una salina que pareix que no feba prou producción ta abastir a o propio lugar en as epocas de más gran expansión demografica,[4] y a demés, heba tenido en bella epoca una pedrera de cheso y unatra de calso, todas dos yeran albandonadas en 1950.[4] O molino farinero el llevaban os de lugar, y o molino d'olio yera propiedat d'os de a Selva, una pardina en o mont a man de Bediello.

DemografíaEditar

O lugar de Clamosa naixió, d'alcuerdo con bells especialistas, a redol d'o castiello que coronaba la penya en a que s'asola.[4] En o fogache de 1495 teneba 11 fuegos, y d'alcuerdo con Manuel Benito Moliner, o numero de fuegos (casas) que i habió alto u baixo se mantenió estable dica la segunda mitat d'o sieglo XIX,[4] momento en o que a explosión demografica cheneralizada en tot l'Alto Aragón, pudo elevar-ne o numero dica 20 u 21 casas.

Iste mismo investigador proposa que a meya de población por casa en Clamosa, en l'anyo 1787, yera de 13 presonas,[4] lo que sitúa a población total de lugar en os hipoteticos 143 habitants. A mitat d'o sieglo XIX, d'alcuerdo con M. Benito Moliner, o numero habría puyau dica 7,68, y cara ta 1860 le atribuye una población de 7,8 presonas por fuego,[4] lo que fa un total de 156 habitants. En 1900, con un promedio atribuiu de 6,7 habitants por casa, o lugar de Clamosa habría tenido una población humana estimable en 134 habitants.

Evolución demografica
1992 1994 1996 1997 1998 1999 2000 2001 2002
- - - - - - 3 2 2

2003 2004 2005 2006 2007 2008 2009 2010 2011
2 2 2 2 2 2 3 3 3

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

FiestasEditar

ReferenciasEditar