Abrir menú principal

Aluchán (oficialment, en castellano, «Aluján») ye un lugar aragonés d'o municipio d'a Fueva, en a provincia de Uesca y comarca d'o Sobrarbe. A suya población ye de 23 habitants (2011[1]).

Aluchán
Localidat d'Aragón
090.Aluján Casa Mur.JPG
Casa Mur
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

23 hab. (2011)
Altaria 638 m.
Distancia
 • 130 km
 • 19,5 km
 • 2 km

enta Uesca
enta L'Aínsa
enta Tierrantona
Codigo postal 22337
Parroquial
 • Diocesi
 •Arciprestato

Balbastro-Monzón
Sobrarbe
Aluchán en Aragón
Aluchán
Aluchán
Situación d'Aluchán en Aragón

Aluchán ye una aldeya historica de Tierrantona, que en o sieglo XIX se deseparó de a dita villa ta pasar a fer parte d'o municipio de Muro de Roda (en o que ya se trobaba bellas d'as aldeyas que l'arrodeyan, como Fumanal y o Pamporciello). En l'actualidat, Aluchán y o Lumo de Muro son os dos solos nuclios de l'antigo municipio de Muro de Roda que han guardau población á lo largo d'os tiempos y encara son habitaus.[2] O forman quatro casas, que son Casa Marinyosa, Casa Teixidor, Casa Carrera y Casa Mur, en estando ista zaguera la más envistable d'a localidat, pus se tracta d'un gran casal fuerte que perteneixió a o camal local d'os Mur, y disposa de dos torres defensivas de planta quadrada que se devantan 2 y 3 plantas per d'encima d'a resta de l'edificio, y una tercera torreta, inferior, de base retonda, que defiende o recolón sud-ueste d'a construcción.

O lugar d'Aluchán se troba a baixa altitut á dintro d'a Fueva, en o calcil meridional d'o tozal de Charo, a bells 2 kms en nordeste de Tierrantona, con a que se comunica con una pista asfaltada que conecta en a carretera local HU-V-6442 (Moriello de Monclús-Fuent de Campo), que atraviesa Tierrantona, en a sortida norte de a villa cara ta l'Aínsa.

Contenius

ToponimiaEditar

Anque no se sabe quan ye que se va fundar o nuclio d'Aluchán, sí que se sabe (por Tierrantona) que en a redolada ya i vivión ciudadans romanos en a epoca imperial, por o que s'ha conchecturau si no puede dimanar o nombre «Aluchán» de bell antroponimo latino como «Lucius», a o que s'habría puesto adhivir a terminación «-án» que indicase pertinenza a o dito presonache.

Se tiene constancia d'a suya existencia en a Edat Meya: S'ha puesto trobar como «Aluxán» en un documento de 1231. O toponimo actual ha gosau perder de tot a prenunciación con «x» ([ʃ]) y con «ch» ([tʃ]) y en a redolada d'a Fueva a mayoría o prenuncian «Aluján» (/a.lu'xan/) como en castellano, y nomás quan se les ne pregunta a os más viellos saben dar treslau d'una forma con prenunciación conforme con a fonetica de l'aragonés, que afirman que ye amás antiga, con «Ch» y no pas con «X», como Aluchán.

O toponimo, a tamas d'a suya prenunciación con as modas castellanas, encara conoix formas con determinant, como «l'Aluján» u «la Luján», que puede estar que se relacionen con o nombre oficial «Luján» que tamién s'ha gosau alternar en bellos momentos d'a historia con a forma «Aluján».

DemografíaEditar

Evolución demografica
1992 1994 1996 1997 1998 1999 2000 2001 2002
- - - - - - 5 5 5

2003 2004 2005 2006 2007 2008 2009 2010 2011
5 6 6 6 16 19 19 23 23

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

ImáchensEditar

FiestasEditar

ReferenciasEditar

Vinclos externosEditar