Mediano viello

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre Mediano viello. Ta altros emplegos d'a parola «Mediano» se veiga Mediano (desambigación).

Mediano viello (en castellano «Mediano») ye un lugar aragonés d'a val d'a Cinca que en l'actualidat se troba a dintro d'o termin municipal d'a Fueva, en a provincia de Uesca y comarca de Sobrarbe. Se troba totalment deshabitau y en estau d'enrunas como consecuencia d'a suya inundación con l'augua de l'entibo de Mediano dende o martes 29 d'abril de 1969.

Mediano
Despoblau d'Aragón
Entidat  • País  • Provincia  • Comarca  • Municipio	Despoblau  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	0 hab. (2010)
Altaria  • Meyana	520 m.
Distancia  • 94 km  • 16 km  • 11 km	enta Uesca enta L'Aínsa enta Tierrantona
Codigo postal	22394
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas
Mediano Mediano en Aragón

Fue capital d'o municipio homonimo dende 1834 dica la suya inundación, y feba de cabecera ta dos lugars mas en a redolada: Arasanz (que remató despoblando-se tamién, como consecuencia de l'entibo) y Sant Mitier que por a suya posición cheografica no se trobó guaire afectau.

En l'actualidat, a bel kilometro d'as restas d'o lugar, en o calcil d'o tozal de Sant Mitier se troba cualques casas que beluns d'os antigos habitants de Mediano se i fayón fer, en a ribera de l'entibo y chunto a la carretera A-138 que comunica Balbastro con l'Aínsa. L'asentamiento nuevo, que no tiene a estructura urbana d'os lugars tradicionals, recibe o nombre popular de Mediano nuevo ta distinguir-lo de l'antigo y cacegau.

Etimolochía

O nombre de Mediano ye dificil ta saber d'a on dimana. Manimenos, se sabe que en a parla churra (d'as comarcas interiors d'a Comunidat Valenciana), que ye un castellano que tiene un fuerte substracto aragonés, un «Mediano» ye un terreno d'erial d'entre as uebras.

Imáchens

• 

  L'entibo de Mediano

• 

  A torre.

• 

  A renclusa de l'entibo.

• 

Fiestas

• O primer cabo de semana d'agosto, Fiesta Mayor.

Vinclos externos

• Se veigan as imachens de Commons sobre Mediano.