Solipueyo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Solipueyo ye un lugar aragonés d'o municipio d'a Fueva, en a comarca de Sobrarbe y a provincia de Uesca. A suya población ye de 27 habitants (2011).

Solipueyo
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	27 hab. (2011)
Altaria  • Meyana	680 m.
Distancia  • 129 km  • 19 km  • 2,5 km	enta Uesca enta l'Aínsa enta Tierrantona
Codigo postal	22337
Patrons	Asumpción de María
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas
Solipueyo Solipueyo en Aragón

Solipueyo yera una aldeya tradicional de Ranyín dica que o municipio que o dito lugar capitaniaba s'incorporó en o municipio de Moriello de Monclús a metat d'o sieglo XIX. Ye a mas baixa en altitut d'as dos aldeyas que teneba Ranyín, podendo-se-la trobar cuasi de tot en plano en a fondonada d'a Fueva.

Se troba a tansament 1 kilometro de Buetas en seguindo a pista asfaltada que de Tierrantona puya ta Ranyín, por a on que A Fueva comienza a enfilar-se cara ta la sierra de Campanué, en l'este d'a subcomarca. Ye un lugar eminentment agrario, que d'estructura no guarda mica de semellanza con l'estilo planificadament defensivo que caldría esperar d'un nuclio que se conoix dende a Edat Meya.

O lugar no tiene garra ilesia, y ta os servicios i tienen una capilleta menuda, moderna y consagrada a l'advocación de Santa Barbara.

Demografía

Evolución demografica

1992 1994 1996 1997 1998 1999 2000 2001 2002 - - - - - - 37 37 37

2003 2004 2005 2006 2007 2008 2009 2010 2011 36 36 40 36 36 34 31 28 27

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Fiestas

• Primer cabo de semana de setiembre, Fiesta Mayor, fendo-le honras a Santa María de l'Asumpción, que anque ye o día 15 d'agosto s'ha gosau tresladar ta setiembre. Ista fiesta mayor se fa conchuntament con Ranyín y con o Lumo de Ranyín.
• 4 d'aviento, fiesta d'hibierno, fendo-le honras a Santa Barbara.

Referencias

• Datos: Q9078715