Abrir menú principal
Iste articlo tracta sobre Moriello de Monclús, que ye un municipio auxidido d'a Fueva, en a provincia de Uesca. Ta o lugar que le va dar nombre a o municipio, se veiga Moriello de Monclús.

Moriello de Monclús (en castellano y oficialment, «Morillo de Monclús») ye un municipio historico d'Aragón, en a comarca d'o Sobrarbe y a subcomarca que ye a Fueva, que va existir dende 1834[1] dica a suya absorción en o municipio actual d'a Fueva en a decada de 1960.[2] A Casa d'a Villa en primeras se trobaba en Moriello de Monclús (incluye Benedet), pero dende a incorporación de Tierrantona a o municipio en o periodo intercensal 1842-1857,[3] se va gosar trasladar a la dita localidat.

Moriello de Monclús
Municipio desapareixito d'Aragón
A ilesia de Sant Cristofo, en Moriello de Monclús.
A ilesia de Sant Cristofo, en Moriello de Monclús.
Entidat
 • País
 • Provincia
 • Comarca
 • Capital
Municipio desapareixito
Flag of Aragon.svg Aragón
Flag of Huesca (province).svg Uesca
Sobrarbe
Tierrantona
Altaria 634 m.
Distancia
 • 125 km

enta Uesca
Coordenatas 42°21’ 0’’N 0°12’36’’E
Moriello de Monclús en Aragón
Moriello de Monclús
Moriello de Monclús
Situación de Moriello de Monclús en Aragón

O lugar de Tierrantona, más gran y millor comunicau que Moriello de Monclús, va concentrar a capitalidat d'o municipio, anque o nombre o van conservar de formal como l'orichinal dica a fusión de municipios d'a redolada en a decada de 1960, en a que se formó o municipio a Fueva, que ye o que concabe totz os nuclios en l'actualidat.[2] A tamas que en os rechistros oficials i constase como «Morillo de Monclús», en a redolada se gosaba conoixer a o termín municipal como «Tierrantona», por o papel principal de a dita población en o municipio.

O municipio de Moriello de Monclús creixió con a incorporación de Pallaruelo de Monclús[4] (que arrocegaba os lugars que se troban en a man fuevana d'o Campanué, ixo ye a Villa,[5] Solaniella,[5] a Torre[5] y l'Alquería de Cotón,[5] más a Chantigosa y Rolespé[5] que se troba en a man que mira t'a val de l'Esera pero que tamién en feba parte) en o periodo 1842-57, con un total de 134 habitants. En ixe mismo periodo, s'incorpora tamién Troncedo con 134 habitants[6] («Troncede» en o censo de 1842[6]), Formigals con 193 habitants,[7] Ranyín (que lieva o Lumo de Ranyín y Solipueyo) con 319 habitants,[8] y Tierrantona (que incluiba Buetas) con 186 habitants.[3] O resultau va estar que en 1857 o municipio teneba más de 1000 habitants[2] repartidos d'entre os 14 nuclios de población que o formaban.

DemografíaEditar

Evolución demografica
1362 f 1495 f 1842 1857 1860 1877 1887 1897 1900
- - 230 (1) 1049 1131 1196 1037 1059 1060

1910 1920 1930 1940 1950 1960 1970 1981 1991
1077 1079 1139 1095 1086 857 - - -

2003 2004 2005 2006 2007 2008 2009 2010 2011
- - - - - - - - -

2012 2013 2014 2015 2016 2017 2018 2019 -
- - - - - - - - -

 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

(1) D'antes de a fusión con Tierrantona, Pallaruelo, Ranyín, Troncedo y Formigals.

Evolución d'a población de Muro de Roda dende 1857.

 

Os altros municipios absorvidos en a FuevaEditar

Se veiga tamiénEditar

ReferenciasEditar