Fosau

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Fosau (oficialment, en castellano, «Fosado») ye un lugar aragonés d'o municipio d'a Fueva, en a provincia de Uesca y comarca de Sobrarbe. A suya población ye de 27 habitants (2011). Cualques vegadas, encara en l'actualidat, se'l conoix como «Fosau Baixo», anque iste nombre pareix que se tracta d'un artificio de motivación historica.

Fosau
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Sobrarbe A Fueva (municipio)
Partiu chudicial	Boltanya
Población  • Total	27 hab. (2011)
Altaria  • Meyana	759 m.
Distancia  • 125 km  • 15 km  • 11,6 km	enta Uesca enta L'Aínsa enta Tierrantona
Codigo postal	22452
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Sant Gaudioso
Coordenadas
Fosau Fosau en Aragón

O lugar o composan dos barrios deseparaus por bels dos cientos metros, lo un que prene nombre de Villa (l'alto) y l'altro Soldevilla (o baixo). Nomás o barrio alto tiene estructura urbana, arroclando-se-ie as casas a redol d'una sola carrera, mientres que o barrio de Soldevilla as tiene deseparadas. Fosau se troba a poca distancia por alto de Fuent de Campo, en as garras d'a sierra Ferrera, debaixo d'un cerro chicanón, fendo parte d'a subcomarca tradicional que se'n diz «Baixo Penyas». En l'actualidat, se i gosa arribar por una carretereta asfaltada anque sin senyalización horizontal, que naixe en a cruz d'a N-260 (de l'Aínsa ta Campo) con a carretera local que, en dirección sud, conduz cara ta Tierrantona y a suya Fueva. A continación d'ista carretereta s'enfila cara ta os casars d'o Baixo Penyas y ta Sant Veturián (realment, yera o camín que tradicionalment i puyaba d'enantes), y en pasando t'alto de Moliniás se torna de tierra.

En a tradición oral se conoix que Fosau va tener bella suerte d'achuntamiento propio que se formaba con bels lugarons d'a baixant de Baixo Penyas. Os barrios de Villa y Soldevilla (ixo ye, o lugar de Fosau propiament dito) formaban o que a par d'alavez se conoixeba como «Fosau Baixo» (oficialment «Fosado Bajo»), y os casars de Moliniás, a Marinyosa, a Mula y o Mediano que en chunto formaban o dito «Fosau Alto» («Fosado Alto»). Ixas denominacions s'han gosau guardar en a memoria popular, y en l'actualidat encara ye posible sentir a expresión «Fosau Baixo» ta referir-se de forma concreta a o nuclio de Fosau.

Historicament, Fosau fizo parte d'o municipio de o Toledo d'a Nata («Toledo de Lanata») dica la desaparición d'iste, en fusionando-se con os achuntamientos d'a foya d'a Fueva ta formar a Fueva.

Evolución demografica

1992 1994 1996 1997 1998 1999 2000 2001 2002 - - - - - - 24 29 28

2003 2004 2005 2006 2007 2008 2009 2010 2011 31 32 34 31 33 32 30 28 27

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens

• 
• 
  Barrio baixo de Fosau

Fiestas

• Un cabo de semana de chulio, Fiesta Mayor. O día que s'escaiga pende d'os vecins y l'afluencia de familiars que se faigan previsión de puyar-ie.
• 13 d'aviento, fiesta d'hibierno, fendo honras a Santa Lucia.

Se veiga tamién

• Hombre cerrudo.

Vinclos externos

• Se veigan as imáchens de Commons sobre Fosau.

• Datos: Q10994773
• Multimedia: Fosado / Q10994773