Abrir menú principal

O Pamporciello (oficialment, en castellano, «El Pamporciello») ye una pardina aragonesa de dos casas en o municipio d'a Fueva, en a comarca d'o Sobrarbe y provincia de Uesca. Actualment se troba despoblada.[1][2]

O Pamporciello
Localidat d'Aragón
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

0 hab. (2010)
Altaria ±750 m.
Distancia
 • 130 km
 • 20 km
 • 3 km

enta Uesca
enta L'Aínsa
enta Tierrantona
Codigo postal 22336
Parroquial
 • Diocesi
 •Arciprestato

Balbastro-Monzón
Sobrarbe
O Pamporciello en Aragón
O Pamporciello
O Pamporciello
Situación de O Pamporciello en Aragón

O Pamporciello yera, como belaltras pardinas no solo que en a Fueva sino por tot l'Alto Aragón, un casal fuerte que yera defendido con una torre que ye barranya en un d'os suyos costaus, datable en o sieglo XVI.[1] En l'actualidat, conforman o nuclio dos casas aliniadas con paret meyanil, con a torre curiosament en o cabo más luent d'o camino, y una capiella (sieglo XVIII[1]) consagrada a Sant Vicient que yera l'oratorio de o lugar, que actualment s'usa como ermita.

Se a puede trobar en alto d'un cerret en a par d'abaixo d'as garras d'a sierra de Muro de Roda, en posición avantallosa en dominando a fondonada d'a Fueva dende o sector más a l'este. Se comunica bien por una pista con Tierrantona, de a que dista alto u baixo bellos 3 kilometros.

Va estar parte integrant d'o municipio de Muro de Roda, en chunto con os lugars de Muro de Roda, o Lumo de Muro y Ministirio, y con belaltras pardinas en a man oriental de o tozal de Muro que son o Plano, Fumanal y Carrera, y belaltras más que son en norte de o dito mont, como a Plana, Susiaz, a Corona, y en a baixant occidental cara t'a val d'a Cinca, como a Lecina y Montero. O municipio de Muro de Roda desapareixió en a decada de 1960 absorvido por a Fueva.[3]

FiestasEditar

RefereciasEditar