Matarranya
![]() |
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo ye sobre a comarca terolana. Se veiga Matarranya (desambigación) ta atros usos.
La comarca de lo Matarranya ye una comarca aragonesa de la provincia de Teruel que fa parte tanto de lo Baixo Aragón tradicional como de la Francha Oriental d'Aragón.
Matarranya | ||
Comarca d'Aragón | ||
| ||
Capitals •Municipios |
Val de Robres y Calazeit 18 | |
Entidat •País •Provincia |
Comarca![]() Teruel | |
Superficie •Total |
933 km² | |
Población •Total •Densidat |
(2021) 8.257 hab. 8,84 hab./km² | |
![]() Mapa de situación en Aragón | ||
Pachina oficial |
CheografíaEditar
En la suya mayor parte corresponde a lo semontano de los Puertos de Bezeit, macizo montanyoso que se distribuye en lo cabo sud d'esta comarca y tamién por las zonas mugants de las provincias de Tarragona (Puertos d'Horta, Puertos de Tortosa), y Castellón (Puertos de Moriella).
MugasEditar
Muga a lo norte con lo Baixo Aragón-Casp, a l'este con Tarragona, a lo sud con Castellón y a l'ueste con a comarca oficial dita Baixo Aragón. La forman 18 municipios y lo despoblato de Mas de Llaurador.
ParlaEditar
Fueras de Val Chunquera, que ye con las parlas de lo Guadalop-Mezquín y La Fraixneda, las parlas d'o Matarranya gosan estar prou homochenias y perteneixen a lo subdialecto tortosín chunto con lo que se charra en lo Baixo Ebro, Tierra Alta y Los Puertos de Moriella.
HistoriaEditar
Bi habió una prebatina de reconquiesta con Alifonso I lo Batallero, que plegó ta Horta de Sant Joan, pero dimpués de la batalla de Fraga los cristianos rebloron y los musulmans recuperoron la comarca. La reconquiesta definitiva se produció a fins de lo sieglo XII con Alifonso II lo Casto. Dimpués de la reconquiesta gran parte de la comarca fue cedida a l'orden de Calatrava. Lo 24 de chulio de 1175, lo Casto deseparó un territorio concediu teoricament a los calatravos en 1157: Mazalión y la Penya d'Aznar Laganya. La Penya d'Aznar Laganya yera una tenencia con las localidatz de Mezquín y Foz Espalda y con capital en Val de Robres. Mazalión y la Penya d'Aznar Laganya pasan a depender de lo bispe de Zaragoza. Los templers tamién i teneban representación, pero las mugas entre las dos ordens no yeran fixas a lo prencipio, porque feban cambios de tierras y lugars.
Seguntes Carlos Laliena los musulmans fuoron acotolaus u forachitaus en la guerra de reconquiesta y la comarca yera vuida. La repoblación estió de mayoría catalana y proveniba de lo campo de Leida. Lo resultau estió que encara huei se charre catalán occidental, como en Leida, Tortosa y Castellón. Existen textos de pagos de indemnizacions a lo bispe de Leida por las decimas y primicias que los repobladors deixan de pagar. Pa atrayer a los repobladors lis daron privilechios y lis facioron pagar impuestos menors, a vida yera más periglosa porque yera una tierra de muga: Os actuals Puertos de Moriella yeran plenos de moros fuyius de Leida, que podeban fer incursions en territorio cristiano. Entre los pobladors amás de catalans, bi heba occitans (Bretó, Gascón, Vidal) y, seguindo lo camín natural de la depresión de l'Ebro, castellanos (Molina, Soriano) y aragoneses (Robres, Fonz). Los pobladors no s'establioron con fuerza dica lo zaguer quarto de lo sieglo XIII.
Quan Blasco d'Alagón conquerió Moriella, reinando Chaime I, lo Matarranya dixó d'estar tierra de muga con los moros. En los repartos de la Corona d'Aragón que feba Chaime I, lo Matarranya y la Tierra Alta feguraban en Aragón; anyos dimpués de la muerte de Chaime I la muga local definitiva entre Catalunya y Aragón se fació en lo río Algars tenendo en cuenta la muga definitiva entre calatravos, en la marguin ezquierda de L'Algars y los Templers, en la marguin dreita.
Territorio y poblaciónEditar
(km²) |
d'o total |
(2007) |
d'o total |
(hab/km²) |
(metros) |
ta/dende Val de Robres (km) |
||
---|---|---|---|---|---|---|---|---|
Arens de Ledón | 34,27 | 3,70 | 213 | 2,59 | 6,65 | 381 | 24,80 | |
Bezeit | 96,72 | 10,44 | 608 | 6,80 | 6,18 | 579 | 6,80 | |
Calazeit | 81,33 | 8,78 | 1.145 | 12,80 | 13,84 | 511 | 21,50 | |
Cretas | 52,66 | 5,69 | 618 | 7,23 | 12,08 | 563 | 10,20 | |
Fórnols | 32,50 | 3,51 | 103 | 1,18 | 3,20 | 706 | 19,30 | |
La Fraixneda | 39,37 | 4,25 | 511 | 5,37 | 11,99 | 579 | 11,60 | |
Foz Espalda | 39,35 | 4,25 | 341 | 3,89 | 8,69 | 712 | 12,60 | |
Ledón | 15,82 | 1,71 | 170 | 2,09 | 11,63 | 458 | 17,20 | |
Mazalión | 86,25 | 9,31 | 586 | 6,74 | 6,88 | 359 | 34,50 | |
Mont-royo | 79,27 | 8,56 | 379 | 3,84 | 4,26 | 857 | 25,30 | |
Penyarroya de Tastavins | 83,28 | 8,99 | 517 | 5,81 | 6,14 | 746 | 20,50 | |
La Portellada | 12,92 | 1,40 | 262 | 3,14 | 21,36 | 654 | 10,90 | |
Ráfals | 35,61 | 3,85 | 170 | 1,74 | 4,30 | 627 | 18,60 | |
Torre d'Arcas | 34,41 | 3,72 | 96 | 1,27 | 3,25 | 746 | 31,60 | |
Torrelconte | 19,57 | 2,11 | 153 | 1,96 | 8,79 | 497 | 14,10 | |
Val de Robres | 124,04 | 13,39 | 2.290 | 24,88 | 17,65 | 508 | -- | |
Val d'el Tormo | 16,85 | 1,82 | 328 | 4,00 | 20,89 | 436 | 26,00 | |
Val Chunquera | 41,84 | 4,52 | 403 | 4,67 | 9,82 | 552 | 16,80 | |
Total | 926,06 | 8.893 |
Se veiga tamiénEditar
Municipios d'a comarca Matarranya | |
---|---|
Arens de Ledón | Beceit | Calaceit | Cretas | Fórnols | La Fraixneda | Foz Espalda | Ledón | Mazalión | Mont-royo | Penyarroya de Tastavins | La Portellada | Ráfals | Torre d'Arcas | Torrelconte | Val de Robres | Val d'el Tormo | Val Chunquera |