Cretas

Cretas (Cretes u Queretes en catalán) ye un municipio situato en la comarca de lo Matarranya, en la provincia de Teruel.

Cretas Queretes
Municipio d'Aragón
Plaza Mayor
Entidat  • País  • Provincia  • Comarca	Municipio Aragón  Teruel Matarranya
Superficie	52,7 km²
Población  • Total  • Densidat	618 hab. 11,73 hab/km²
Altaria	563 m.
Distancia  • 193 km	enta Teruel
Codigo postal	44623
Coordenadas	40°55’40’’N 0°12’36’’E
Cretas Situación de Cretas en Aragón
www.queretes.net

Cheografía

Ye situato en lo semontano de los Puertos de Bezeit, en lo interfluvio de los ríos Matarranya y Algars, en un pueyo chusto a l'este d'on encomienza o barranc del Calapatà.

La suya economía s'alazeta tradicionalment como en la mayor parti de los lugars de la redolada en l'agricultura, sobretot en la vinya, las oliveras y almendreras, y més modernament en granchas de tocins. Todas as anyadas se fa en abril la feria de lo vin, a sola d'estas caracteristicas de la provincia de Teruel, an se tastan los millors vins de lo Baixo Aragón y de la Terra Alta.

Mugas

Lo suyo termin muga con Val de Robres a l'ueste y sudueste, con Torrelconte, Val del Tormo y Mazalión a lo norueste, con Calazeit a lo norte, con Arens de Ledón a lo norte, con Ledón a lo noreste, con Arnes a l'este, con Bezeit a lo sud.

Torrelconte, Val del Tormo, Mazalión	Calazeit, Arens de Ledón	Ledón
Val de Robres		Arnes
Val de Robres	Bezeit

Historia

Bi ha pinturas rupestres d'arte levantín, Els Gascons, representando actividat humana en lo epipaleolitico u neolitico. Bi ha tamién poblatos ibericos y se i han trobato las tipicas estelas funerarias ibericas de lo Baixo Aragón.

Dimpués de la reconquiesta este lugar perteneixió a l'Orden de Calatrava, con seu en Alcanyiz, estando-ne l'apendiz més oriental de lo suyo territorio, mugando a lo sud con la Tinenza d'Aznar Lagaya, centrata en Val de Robres. D'edat medieval bi ha unas tumbas famosas con estelas discoidals.

Nombre

Lo suyo nombre se crei que vien d'una radiz indoeuropea que ha dato en aragonés palabras como cleta; u a traviés de lo latín QUEBRANTARE, crebar u crebaza. En contra d'esta interpretación més aceptata, lo latinista Agustín Ventura Conejero crei que significa archila blanca, que tamién se diz en castellán tierra de greda.

Amaneix en los escritos relativos a los Calatravos como Crietas (1225). En catalán local hue se diz Queretes, pero puet veyer-se escrito en catalán standard Cretes. En lo Fogache de 1495 apareixe como Cretes.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011	2015	2019
Partido Popular	3	2	4	2	2	2	2	2	4	4	5
Chunta Aragonesista	-	-	-	-	-	-	1	1	1	1	2
Partido de los Socialistas de Aragón	-	1	-	1	2	4	4	3	1	1	-
Partido Aragonés	-	-	-	2	3	1	0	1	1	1	-
Centro Democrático y Social	-	4	3	2	-	-	-	-	-	-	-
Unión de Centro Democrático	2	-	-	-	-	-	-	-	-	-	-
Independients	2	-	-	-	-	-	-	-	-	-	-
Total	7	7	7	7	7	7	7	7	7	7	7

Alcaldes

Lista d'alcaldes

Lechislatura	Nombre	Partito politico
1979–1983	Luis Jasanada Salvador	UCD
1983–1987
1987–1991
1991–1995
1995–1999
1999–2003	Antoni Llerda Juan	PSOE
2003–2005	Antoni Llerda Juan	PSOE
2005-2007	José Miguel Dalmau Lombarte	PSOE
2007–2011	Adrián Portolés Pellicer	PSOE
2011–2015	Fernando Javier Camps Juan	Partido Popular
2015-2019	Fernando Javier Camps Juan	Partido Popular
2019-2023	Fernando Javier Camps Juan	Partido Popular

Puestos d'intrés

• Ilesia de Nuestra Sinyora de l'Asumpción, protechita legalment dende 2001 con a suya declaración como Bien d'Intrés Cultural. Ye una ilesia d'o sieglo XVI en estilo gotico-renaixentista, con frontera manierista.
• Portal capiella de Sant Roc.
• Portal capiella de Sant Antón.
• Casa Turull.
• Ermita d'a Misericordia.

Presonalidatz naixitas de Cretas

• Categoría:Naixius de Cretas

Fiestas

Las suyas Fiestas Mayors se celebran lo 15 d'agosto, encara que tradicionalment se celebraban o día de Santa Pelachia, lo 8 d'octubre.

Vinclos externos

• Se veigan as imáchens de Commons sobre Cretas.