Mayestrato

Este articlo ye sobre a comarca aragonesa d'o Mayestrato. Ta atros emplegos se veiga Mayestrato (desambigación).

Lo Mayestrato ye una comarca aragonesa situata en la provincia de Teruel. Muga a lo norte con lo Baixo Aragón, a l'ueste con Andorra-Sierra d'Arcos, Cuencas Meneras y Comunidat de Teruel, a lo sud con Gúdar-Chabalambre y a l'este con la provincia de Castillón.

Mayestrato
Comarca d'Aragón
Anvista amán de Fortanet.
Capital  •Municipios	Cantaviella 15
Entidat  •País  •Provincia	Comarca  Aragón Teruel
Superficie  •Total	1.204,3 km²
Población  •Total  •Densidat	3.700 hab. 3,07 hab./km²
Mapa de situación en Aragón
Pachina oficial

Ye una comarca artificial que responde un poquet a criterios historicos, pero no a cheograficos, Castellot tiene más relación y millor comunicación con Alcorisa y Calanda que con Cantaviella (capital d'a comarca), con muitos menos habitants. Mesmo lo nombre Mayestrato ye discutible.

Historia

Los lugars de lo Mayestrato fuoron por un regular lugars baixo a churisdicción d'ordens melitars, primero de los Templers y, dimpues de la suya disolución, os Hespitalers. Manimenos Aliaga, que teneba comanda espitalera s'ha aliniato con las Cuencas Meneras en la comarcalización actual; Allepuz yera de la Comunidat de Teruel medieval y Miravet de la Sierra dependeba de l'arcebispe de Zaragoza.

En los sieglos XVIII y principios de lo sieglo XIX lo Mayestrato de Teruel se diciba las Baylías, fendo referencia a las tres bailías u comandas de los hespitalers: Aliaga, Castellot y Cantaviella. En lo sieglo XIX estió un important foco carlista, foco que teneba continación territorial con la comarca de Castellón dita Maestrat y con los Puertos de Bezeit.

Toponimia

Orichinalment lo nombre Maestrazgo s'emplegaba en castellano pa lo norte de Castellón, una zona que en catalán se diz Maestrat y en aragonés medieval s'escriba Maestrado de Montesa. Lo toponimo Maestrazgo encomenzó a emplegar-se pa denominar zonas de Teruel quan os carlistas dirichitos por Cabrera se facioron fuertes en un enclau montanyoso entre Teruel, Castellón y Tarragona, con capital en Cantaviella y dimpués Moriella. Lo nombre Maestrazgo / Maestrat ha continato tenendo aplicación pa tierras teruelanas y castellonencas en lo sieglo XX como termin de promoción turistica (Mancomunidad turística del Maestrazgo), y s'emplega huei pa dicir a esta comarca.

Territorio y población

Municipio	Superficie (km²)	% d'o total	Población (2008)	% d'o total	Densidat (hab/km²)	Altaria (metros)	Distancia ta/dende Cantaviella (km)	Lugars
Allepuz	67,26	5,58	140	3,61	2,01	1.395	44,80	Caudet, Sollavientos
Bordón	29,98	2,49	132	3,64	4,54	828	32,50
Cantaviella	124,56	10,34	735	19,46	5,84	1.200	--	Casas de Sant Chuan, Solana, Umbría, Vega.
Canyada de Benatanduz	34,89	2,90	51	1,34	1,46	1.422	17,70
Castellot	235,18	19,53	832	21,93	3,48	774	50,80	Abenfigo, los Alagons, l'Alchezira, Crespol, las Cuevas de Canyart, Dos Torres de Mercader, Ladrunyán, Luco de Bordón, las Planas de Castellot, Torremocha.
La Cuba	6,51	0,54	63	1,69	9,68	882	23,50
Fortanet	168,21	13,97	240	5,57	1,24	1.353	18,40
La Iglesuela	40,29	3,35	505	13,15	12,19	1.227	11,40
Mirambel	45,47	3,78	129	3,51	2,88	993	15,00
Miravet de la Sierra	36,51	3,03	41	1,26	1,29	1.212	42,70
Molins	79,61	6,61	316	8,46	3,97	838	66,10
Pitarc	54,35	4,51	114	3,05	2,10	1001	37,30
Tronchón	57,18	4,75	111	2,70	1,77	1.137	30,10
Villar Luengo	157,89	13,11	213	5,46	1,29	1.119	28,70	Las Fabricas, Montoro.
Villarroya de los Pinars	66,41	5,51	187	5,19	2,92	1.337	36,30
Total	1.204,30		3.809

Se veiga tamién

• Lista de molimentos d'o Mayestrato.