Ledón

Ledón (en catalán Lledó localment y Lledó d'Algars oficialment, Lledó en castellano) ye un municipio aragonés situato en la comarca de lo Matarranya, en la provincia de Teruel.

Ledón Lledó
Municipio d'Aragón
Puent sobre l'Algars
Entidat  • País  • Provincia  • Comarca	Municipio  Aragón  Teruel Matarranya
Partiu chudicial	Alcanyiz
Superficie	15,6 km²
Población  • Total  • Densidat	171 hab. (2013) 11.03 hab/km²
Altaria  • Meyana	458 m.
Distancia  • 211 km	enta Teruel
Alcalde	Maria Jose Valles Brenchat
Codigo postal	44624
Ríos	Río Algars
Coordenadas	40°57’21’’N 0°16’39’’E
Ledón Ledón en Aragón
Web oficial

La suya población ye de 172 habitants (2018), en una superficie de 15,6 km² y una densidat de 11,67 hab/km².

Toponimia

Lo toponimo Ledón se creye que tien relación con lo latonero y los latons (Celtis australis), pero no ye de descartar que como Lidón, Litago y Lechago tienga relación con lo nombre d'un propietario román.

En los textos calatravos en latín, s'emplega Ledón, a vegatas latinizato como Ledone u en chenitivo Ledonis. Ye curioso un texto de 1206 que amuestra que ya existiba palatalización en la L inicial, cosa que en catalán medieval no se representaba graficament:

et jam dicta serra parteix apud arens et apud lo ledon sit la partizo de arens et de lledon

Mesmo en un texto calatravo que teneba una introducción en catalán, s'escribe Ledón, con la -n final que se pierde n'esta luenga. En lo Fogache de 1405 ordenau en las Cortz de Maella s'escribe Ledón en un texto en aragonés:

et contado en poder mio recebido de los hombres del lugar de Ledon, el qual yes del vispo de Tortosa

En lo Fogache de 1495 s'escribe Ledo, en catalán. La forma Ledón s'emplega encara dica lo sieglo XVI en lo castellano que s'escribiba en lo Baixo Aragón.

Cheografía

La localidat de Ledón ye situata a 458 metros d'altaria dencima de lo ran de la mar, a una distancia de 211 km de Teruel, la capital de la suya provincia. Ye a lo canto de lo río Algars, un afluent de lo río Matarranya.

Mugas

Arens de Ledón	Arens de Ledón, Horta de Sant Joan	Horta de Sant Joan
Arens de Ledón, Cretas		Horta de Sant Joan
	Arnes, Cretas	Arnes

Demografía

Evolución demografica

1924		1991		1996		2001		2004		2017
632		229		217		209		191		166

Historia

Lo día 13 d'abril de 1209 lo rei Pero II d'Aragón entregó Ledón y Arens de Ledón a lo bispe de Tortosa Gombal de Santa Oliva pa que los poblase.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011	2015	2019
Partido Aragonés	-	-	-	-	4	4	4	2	-	4	4
Partido Popular	-	-	-	4	1	1	0	0	1	1	1
Partido de los Socialistas de Aragón	-	7	7	3	-	-	1	2	4	-	0
Chunta Aragonesista	-	-	-	-	-	-	-	1	-	0	-
Unión de Centro Democrático	7	-	-	-	-	-	-	-	-	-	-
Total	7	7	7	7	5	5	5	5	5	5	5

Alcaldes

Lista d'alcaldes

Lechislatura	Nombre	Partito politico
1979–1983	Bernardo Brenchat Brenchat	UCD
1983–1987
1987–1991
1991–1995
1995–1999
1999–2003
2003–2007
2007–2011	José Ramón Vallés	Partido de los Socialistas de Aragón
2011–2015	María José Vallés Brenchat	Partido de los Socialistas de Aragón
2015-2019
2019-2023

Molimentos

• Ilesia de Sant Chaime, protechita legalment dende 2001 con la suya declaración como Bien d'Intrés Cultural. La ilesia ye de lo sieglo XIV, construyita en estilo gotico, encara que esviellata en los sieglos XVI-XVIII con la construcción de capiellas laterals.
• Ilesia de Sant Per Apóstol, de lo sieglo XIV, un edificio construyito en estilo gotico.
• Castiello de Ledón, que estió propiedat de la Orden de Calatrava.
• Casa de la Villa, de 1610.
• Ermita de Santa Rosa de Viterbo, de lo sieglo XVIII.