Horta de Sant Joan

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Horta de Sant Joan ye un municipio catalán de la comarca de la Tierra Alta y provincia de Tarragona.

Horta de Sant Joan
Municipio de Catalunya
Bandera Escudo d'armas
Envista d'Horta de Sant Joan
Envista d'Horta de Sant Joan.
Entidat
 • Estau
 • Comunidat
 • Provincia
 • Comarca
Municipio
 Espanya
 Catalunya
Tarragona
Tierra Alta
Superficie 119 km²
Población
 • Total

1169 hab. (2013)
Altaria
 • Meyana

542 m.
Alcalde Jose Antoli Badia
Codigo postal 43596
Coordenadas
Horta de Sant Joan ubicada en Catalunya
Horta de Sant Joan
Horta de Sant Joan
Horta de Sant Joan en Catalunya
Web oficial

La suya población ye de 1.287 habitants (2008), en una superficie de 119 km² y una densidat de población de 10,82 hab/km².

Cheografía editar

Ye situau en un pueyo en meyo d'una plana, a 542 metros d'altaria dencima de lo livel d'a mar. La parte sud de lo termin ye montanyosa, con las zagueras estribacions de lo norte de los Puertos de Beceit. Lo modelau en los almendrón ha produciu monts con formas curiosas en mallos como Les Roques d'En Benet u releus en cuesta como La muntanya de Santa Bàrbara u Sant Salvador d'Horta, que dende luent pareixe conico como un volcán y que podió estar un mont sagrau dedicau a Chupiter como en Chuseu. En la parte norte son los monts coneixius como "Els Pesells" a on se pued trobar bel resto de la Batalla de l'Ebro.

Ye regau por los rios Canaleta, Els Estrets y Algars que naixen en los Puertos de Beceit. Lo Canaleta baixa fendo una val entre lo Montsagre y Santa Bàrbara dixando bel puesto pa veyer-lo como puet estar o "Racó de les olles" (con ollas de chigant y gorgas), u El Balneari de la Fontcalda. Els Estrets baixa de los puertos entre foces de roca viva que li dan lo nombre, tierra compartida entre los lugars d'Horta y Arnes, dica plegar a lo rio Algars que fa muga entre Teruel y Tarragona. Este zaguer río desemboca en lo río Matarranya en lo termin de Nonasp.

Encara que la suya capital oficial siga Gandesa, Horta y atros lugars como Arnes forman una parzana con mes relación tradicional con la comarca de lo Matarranya. Lo lugar de Moncades fa parte de lo termin municipal d'Horta de Sant Joan.

Mugas editar

 
Horta de Sant Joan con respecto a los municipios de la Tierra Alta

Lo suyo termin municipal muga a l'ueste con Ledón y Arens de Ledón, a lo norte con Caseres, a lo nord-este con Bot, y l'este con Prat de Comte y Paüls, a lo sud y sudeste con Alfara de Carles y a lo sud y sudueste Arnes.

Historia editar

Fue conquiesta por Alifonso I lo Batallero con intención de conquerir Tortosa, como se vei en un texto de 1132 on s'especifica que en ye a seis millas:

Regnante domino nostro Iesu Christo sine fine, et sub eo Adefonso Sancii regnante de Montson usque Bilforato et antigua Castella et usque Sancto Stephane de Gormaz et Monte Regale versus Barraçina et usque Castello Orta dicto, sex millibus distans a Tortosa et infra. Uenerauili episcopo Sancio Ossetano alumno, presidente prefate sedi in universo eius episcopatu

Dimpués de la derrota aragonesa en Fraga (batalla de Fraga), los almurabiz la recuperoron. La reconquista definitiva estió con Alifonso II lo Casto. En 1165, Alifonso II lo Casto atorgó a Horta Carta de población. Estos territorios yeran en posesión de la Casa de Montcada dica l'anyo 1177, cuan lo rei Alifoso II cedió la churisdicción a la Orden de lo Temple.

La Orden de lo Temple creyó la Comanda d'Horta. Esta incluiba los actuals termins municipals d'Arnes, Bot, Caseres, Prat de Comte y Horta de Sant Joan. Se diz que lo terreno de los templers d'Horta ocupaba partes de l'actual termin de Beceit, a on se trobó un cruz de base octogonal, cuan no i heba mugas claras. Los templers impulsoron la redacción de las Consuetuds, compendio de dreito lechislativo local. En lo llibre dels Feits se fa constar que lo rei Chaime I d'Aragón estió en lo castiello d'Horta muitas vegadas. L'anyo 1317 se suprimió la orden de lo Temple y los suyos biens pasoron a perteneixer a los Hespitalers.

En las Corz de Casp de 1371 lo Castellano d'Amposta protestó por la inclusión d'Horta en lo Reino d'Aragón:

Ante la ondrada Cort del General del regno de Aragón et en presencia de mi notario et de los testimonio diuso scriptos, constituydo personalment don fray Berenguer de Muntpahon, comendador de Ulldecona et lugartenient de Castellano d'Amposta, dixo et propuso que, segunt le era et yes dado a entender por la dita Cort, se entiende dar por greuge al senyor rey que declare los lugares de Orta et de Gandesa seer dentro los limites del regno de Aragon et seer del dito regno, como aquesto sia prejudicio del dito Castellan et de su Orden si et en tanto porque los ditos lugares sian sitiados dentro en Cathalunya et sus limites, et por otras razones, en su tiempo et lugar proponederas.

Demografía editar

Evolución demografica
1497 f 1515 f 1553 f 1717 1787 1857 1877 1887 1900
108 143 138 460 - 2.263 2.239 2.375 2.498

1910 1920 1930 1940 1950 1960 1970 1981 1990
2.473 2.447 2.244 2.086 2.173 1.804 1.540 1.371 1.339

1992 1994 1996 1998 2000 2002 2004 2006 2008
1.317 1.311 1.272 1.245 1.233 1.217 1.219 1.238 -
2009 2010 2011 2012 2013 2014 2015 2016 2017
- - - - - - - - -
2018 2019 2020 2021 2022 2023 2024 2025 -
- - - - 1.154 - - - -

1497-1553: fuegos; 1717-1981: población de feito; 1990- : población de dreito

Administración editar

Reparto de concellers editar

Eleccions municipals
Partiu 1979 1983 1987 1991 1995 1999 2003 2007
Convergència i Unió - 6 5 5 6 6 9 6
Partit dels Socialistes de Catalunya - - 1 2 1 1 - -
Independients - - - - - - - 3[1]
Alianza Popular/Partido Popular - 3 3 2 2 2 - -
Unión de Centro Democrático 9 - - - - - - -
Total 9 9 9 9 9 9 9 9

Fuent: MUNICAT, en a pachina web d'a Generalitat de Catalunya.

Alcaldes editar

Lista d'alcaldes
Lechislatura Nombre Partiu politico
19791983
19831987
19871991
19911995
19951999
19992003
20032007
20072011 Àngel Ferràs i Tomàs Convergència i Unió

Curiosidaz editar

Pablo Picasso teneba un amigo d'Horta y se sape que i estió vivindo dos temporadas (en 1898 y en 1909) una d'ellas recuperando-se d'una malautía veneria. Lo primer cuadro suyo, constumbres aragonesas, se tresbatió y yera lo retrato d'un hombre vestiu de baturro que probablement veyió en lo termin de Ledón u Arens de Ledón, a l'atro costau de lo río Algars (a on teneba propiedaz lo suyo amigo). Uno de los pocos cuadros suyos que no ye abstracto ye un ritrato de lo parache de Les Roques d'En Benet, uns mallos especials con forma de capeza d'animal. Lo pintor se inspiró en las suyas carreras, los suyos paisaches y la suya chent pa creyar las obras precursoras de lo cubismo. Lo tiempo que Picasso residió en Horta estió esencial, él mesmo dició: Todo lo que sé, lo he aprendido en Horta. Lo lugar inspiró a lo pintor en obras tan conoixidas como La montanya de Santa Bárbara, La bassa d'Horta y La fábrica. Pa profitar este reclamo turistico en Horta bi ha un museu de Picasso con copias de los suyos cuadros.

Vinclos externos editar

Referencias editar

  1. En dos candidaturas diferents.