Val de Robres
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Val de Robres (Valderrobres en castellano, Vall-de-roures en catalán) ye un municipio de la provincia de Teruel, capital administrativa de la comarca de lo Matarranya.
| Val de Robres Vall-de-roures | ||
| Municipio d'Aragón | ||
| ||
 Anvista de Val de Robres dende lo suyo castiello-palacio | ||
| Entidat • País • Provincia • Comarca |
Municipio Aragón.svg){kind=small} TeruelMatarranya | |
| Partiu chudicial | Alcanyiz | |
| Superficie | 81,3 km² | |
| Población • Total |
2498 hab. (2013) | |
| Altaria • Meyana |
508 m. | |
| Distancia • 193 km |
enta Teruel | |
| Alcalde | Carlos Luis Bone Amela | |
| Codigo postal | 44580 | |
| Patrons | Asumpción d'a Virchen y Sant Roque | |
| Río | río Matarranya | |
| Coordenadas | ||
| Web oficial | ||
CheografíaEditar
Lo suyo termin municipal ye en la suya part més gran en materials terciarios de lo semontano de los Puertos de Bezeit, con una chicota prolongación enta lo sud en los Puertos de Bezeit dita Lo Port que quan yera habitada teneba més relación con Bezeit, Penyarroya de Tastavins y Fridas que con Val de Robres.
Lo nuclio tien dos barrios principals:
- La parte viella (la vila) se troba situada a lo norte d'una curva de lo río Matarranya, a l'este d'un pueyo (Lo Puig) que perteneixe a lo semontano norte de los Puertos de Bezeit.
- La parte nueva (l'arrabal) se troba situada a lo sud d'ixa curva de lo río Matarranya, extendendo-se por la parte interna d'ixa curva y ocupando la suya ribera y faixas fluvials més alteras, plegando ta lo tozal Antarotxa.
Lo modelau de lo semontán en lo termin de Val de Robres, Foz Espalda, La Portellada y La Fraixneda tien muitas muelas[1] y plataformas estructurals y son despartidas por las riberas de los rios Matarranya, Tastavins, Pena, y los suyos afluents menors. Estas muelas se dicen astí moles, y son d'archilas y sallagóns que aproveitan la protección d'estratos d'almendrón y piedra d'arena que bi ha en lo cabalto. Manimenos los pueyos testimonio con cabaltos protectors redueitos dica quasi lo punto de desapareixer abundan mes que las muelas.[2]
Bi ha muitos pinars de Pin borde en la parte de lo suyo termin que correspone a lo semontano, y de Pin nasarro y Pin royo en la parte de lo suyo termin que corresponde a los Puertos de Bezeit (Lo Port), y la sierra de l'Arca (a on ye La Caixa, curiosa penya que se diz asinas por la suya forma). En ixos pinars bi ha presencia de carrascas y caixicos. Los caixicos Quercus faginea que dan nombre a lo lugar se troban sobre tot en los pacos de los pueyos testimonio con suelos desarrollaus sobre archilas como en una costera de Sant Cristòbol por a on pasa la carretera d'Alcanyiz, en los fondons de las valletas u en bella espuenda u ripa entre faixas fluvials. En muit pocos puestos fan selvetas u corros a on dominen. Lo mesmo se desvién con las carrascas, pero bi ha carrascals arbustivos en las cuestas d'El Port y fendo lo matical de las pinars de pin borde de lo semontán.
MugasEditar
Lo suyo termin muga con Foz Espalda, con una cantonera de lo termin de Ráfals y con La Portellada a l'este (La muga común de los quatre termins ye en lo Mas de Gil), con La Fraixneda a lo norueste, con Torrelconte a lo norte, con Cretas a lo norte y nord-este y este, con Bezeit a lo sud y sudeste, con la Sénia a lo sud, con La Pobla de Benifazán a lo sud, y con Penyarroya de Tastavins a lo sudueste.
| La Fraixneda | Cretas | Cretas |
| Foz Espalda, Ráfals, La Portellada | 
|
Cretas |
| Penyarroya de Tastavins | La Pobla de Benifazán, la Sénia | Bezeit |
HistoriaEditar
Yera la capital de la Tinenza de la Penya de Aznar Laganya, y dependeba de lo bispe de Zaragoza. Lo castiello de Val de Robres que se vei ye un palacio residencial de los bispes, pero se crei que anteriorment i habió un castiello u torraza con función defensiva. Bi ha una hipotesi toponimica que diz que l'antigo lugar Vall de Roures la vella yera en lo poblau iberorromano y alto medieval de la Torre Gachero, y que cambió ta l'actual emplazamiento en la Edat Meya.
Lo 24 de chulio de 1175 lo rei Alifonso lo Casto dixó Val de Robres y a Tenienza en mans de lo bispe de Zaragoza Pere de Torroja y de lo suyo capítol metropolitano con la misión de repoblar-los y defender-los. Lo bispato no teneba recursos pa chestionar este territorio, entre meyo de los Calatravos d'Alcanyiz y Mont Royo y los Templers d'Horta de Sant Joan, asinas lo 29 de chulio lo territorio lo subinfeudó a Fortún Robert, canonche de la seu zaragozana. Lo destín de la Tinenza yera ligau a los sucesors de Fortún Robert, estos emparentoron con los Oteyza, y lo territorio pasó a esta familia. Los Oteyza dixoron d'existir en 1305. Lo rei quereba quedar-se con a Tenienza, pero lo bispe de Zaragoza la reclamó como suya seguntes la decisión de 1175. Lo 26 de chunio de 1307 Val de Robres quedó adscrito a lo bispato de Zaragoza, dimpués de 1317 arcebispato.
En 1429 lo rei Alifonso V lo Magnamino celebró Cortz d'Aragón en lo Castiello de Val de Robres. La manca de puesto pa que los parlamentarios dormisen motivó que atras cortz chenerals se fesen en lugars u ciudatz més grans.
En 1942 se construyó lo Ferrocarril de la Val de Zafán, pero la gara la posoron a més de 8 km de la villa, a canto de la muga con lo termin municipal con Cretas y muito més a man d'esta localidat vecina. D'esta traza Val de Robres no se benefició plenament de las modernidatz que podeban trayer los ferrocarrils.
ToponimiaEditar
Como ya se sabe, a lo principio en los textos medievals no se diferenciaba entre u y v. En qualques transcripcions que s'han feito de lo nombre pueden estar entibocadas en la interpretación fonetica. En lo Fogache de 1495 s'escribe Val de Roures. Lo nombre oficial castellano ye preso de l'exonimo aragonés Valderrovres, Val de Rovres u Valderrobres, que puet veyer-se en diferents textos escritos en Aragón en romanz no catalán, por eixemplo en un texto de 1308, quan Lop Guillén d'Oteiza y Martín Perez d'Oteiza fan un pacto d'heredamiento mutuo:
Lo exonimo en aragonés y castellano coincide con ciertos microtoponimos que se troban encara en lugars como Tagüenca[3] y Molins.
En los sieglos XIX y XX la forma oficial ha sustituito de tot a la forma orichinal catalana, que quasi dengún no emplega. Esporadicament y en pocas ocasions los viellos charrando a escape n'emplegan una variant: Vall-de-Rores.
DemografíaEditar
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
AdministraciónEditar
Reparto de concellersEditar
| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 | 2015 | 2019 |
| Partido Popular | - | - | 4 | 3 | 4 | 3 | 3 | 6 | 7 | 6 | 8 |
| Partido de los Socialistas de Aragón | 5 | 9 | 3 | 3 | 3 | 2 | 2 | 2 | 1 | 1 | 2 |
| Chunta Aragonesista | - | - | - | - | - | - | 0 | 1 | 1 | 3 | 1 |
| Partido Aragonés | - | - | - | 1 | 2 | 4 | 4 | 2 | 2 | 1 | 0 |
| Centro Democrático y Social | - | - | 2 | 2 | - | - | - | - | - | - | - |
| Independients | 6 | - | - | - | - | - | - | - | - | - | - |
| Total | 11 | 9 | 9 | 9 | 9 | 9 | 9 | 11 | 11 | 11 | 11 |
AlcaldesEditar
| Lechislatura | Nombre | Partiu politico |
|---|---|---|
| 1979–1983 | Avelino Segurana Giner | Independient |
| 1983–1987 | José María Foz | Partido de los Socialistas de Aragón |
| 1987–1991 | Luis Gascón | Partido Popular |
| 1991–1995 | Luis Gascón | Partido Popular |
| 1995–1999 | Javier Lacuesta | Partido Popular |
| 1999–2003 | Julián Godes | Partido Aragonés |
| 2003–2007 | Julián Godes | Partido Aragonés |
| 2007–2011 | Carlos Bone Amela | Partido Popular |
| 2011–2015 | Carlos Bone Amela | Partido Popular |
| 2015-2019 | Carlos Bone Amela | Partido Popular |
| 2019-2023 | Carlos Bone Amela | Partido Popular |
MolimentosEditar
- Castiello-palacio gotico.
- Ilesia de Santa María la Mayor de Val de Robres, copia de la Seu de Tarragona.
- Casa de la Villa de Val de Robres.
Personalidaz naixidas de Val de RobresEditar
Categoría principal: Naixius de Val de Robres.
- Elvira de Hidalgo, soprano y mayestra de canto, tenió d'alumna a María Callas.
- Lluís Rajadell Andrés, escritor en luenga catalana y periodista de lo Heraldo d'Aragón.
- Manuel Siurana Roglan, profesor y especialista en arte gotico de lo Baixo Aragón.
- Salvador Benítez Griñó, participant d'eventos festivos diversos y supervivient de lo Campo de Concentración de Mauthausen.
FiestasEditar
- 17 de chinero, Sant Antón Abat.
- Fiestas patronals la semana de lo 16 d'agosto dedicadas a L'Asumpción de la Virchen y a Sant Roque.
ReferenciasEditar
- ↑ Alejando Pérez, José Luis Simón, Manuel J. Vivó. Paisajes naturales de la región del Maestrazgo y Guadalope. Instituto de Estudios Turolenses, Mancomunidad turística del Maestrazgo, Teruel 1983, pp117
- ↑ Alejando Pérez, José Luis Simón, Manuel J. Vivó. Paisajes naturales de la región del Maestrazgo y Guadalope. Instituto de Estudios Turolenses, Mancomunidad turística del Maestrazgo, Teruel 1983, pp97-98
- ↑ Pascual Luna Gimeno, Red natural de Aragón. nº 14, Comarca del Aranda Prames, 2007 pp97
- ↑ Archivo electoral
BibliografíaEditar
- Enrique Puch i Carles Sancho: Toponímia i antroponímia de Vall-de-Roures. Associació cultural del Matarranya. Col·lecció "Lo Trill".
- Carmelo López Esteruelas y Manuel Siurana Roglán: Valderrobres paso a paso. Ayuntamiento de Valderrobres.
- Manuel Siurana Roglán. Guía interpretativa de la iglesia y del castillo de Valderrobres.
Vinclos externosEditar
Se veigan as imachens de Commons sobre Val de Robres.- (es) Ficha de la población.
| Municipios d'a comarca Matarranya | |
|---|---|
| Arens de Ledón | Beceit | Calaceit | Cretas | Fórnols | La Fraixneda | Foz Espalda | Ledón | Mazalión | Mont-royo | Penyarroya de Tastavins | La Portellada | Ráfals | Torre d'Arcas | Torrelconte | Val de Robres | Val d'el Tormo | Val Chunquera |