Lo Mas del Llaurador

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo Mas del Llaurador ye un lugar albandonato en o termin municipal de Val Chunquera que actualment ye en ruinas. Ye situato entre as poblacions de Val del Tormo y Val Chunquera, sobre un plan entre dos vals que s'unen dimpués de pasar o nuclio de población.

Lo Mas del Llaurador
Despoblau d'Aragón
Entidat  • País  • Provincia  • Comarca  • Municipio	Despoblau  Aragón  Teruel Matarranya Val Chunquera
Partiu chudicial	Alcanyiz
Población  • Total	0 hab.
Codigo postal	44595
Parroquial  • Archidiocesi  • Arcipestrau  • Parroquia	Zaragoza Alcanyiz Sant Chuan Baptista
Coordenadas	40°58’40’’N 0° 3’17’’E
Lo Mas del Llaurador Lo Mas del Llaurador en Aragón

Historia

A primera documentación de "Lo Mas" ye en l'anyo 1646, por ixas envueltas teneba una población de 90 vecins, estando ya 121 en l'anyo 178. Dende l'anyo 1834 dica o 1845, Lo Mas del Llaurador apareixe como un municipio independient con o suyo propio concello, pero ye dende 1845 cuan pierde a suya independencia y se converte ta cutio en barrio d'o municipio de Val Chunquera. En 1915 mosén José Pellicer convirtió a casa parroquial d'a localidat en una escuela relichiosa que gosó tener 30 alumnos internos.

A decadencia d'a villa la leva a Guerra Civil, cuan a población estió bombardiada y destruyida, albandonando a la fin o lugar os zaguers vecins en 1962.

Demografía

Evolución demografica

1646		1717		1787		1840		1910		1930		1940		1950		1962
90		19		121		70		67		56		27		16		0

Puestos d'intrés

Destaca a ilesia de Sant Chuan Degollato (en catalán Sant Joan Degollat), construcción neoclasica d'o sieglo XVIII, en a parti posterior bi ha a sacristía y o fosal, en a frontera prencipal puet observar-se a la dreita o campanar de sección cuadrata y a la ezquierda un reloch de sol pintato en a paret.

Fiestas

En os zaguers anyos s'ha tornato a fer a tradicional romería ta ilesia de Sant Chuan Degollato a fins d'o mes de agosto, en a que fan parti vecins d'as poblacions d'a redolada.

En a cultura popular

En 1996 se filmó asti la cinta Libertarias de Vicente Aranda, con os actors Ana Belén, Victoria Abril y Jorge Sanz.

Vinclos externos

• (ca) Lo Mas del Llaurador.

Lugars de lo municipio de Val Chunquera
Poblaus: Val Chunquera Despoblaus: Lo Mas del Llaurador

• Datos: Q3571581
• Multimedia: Mas del Labrador / Q3571581