Penyarroya de Tastavins

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Penyarroya de Tastavins (en catalán Pena-roja, en castellano Peñarroya de Tastavins, oficialment Peñarroya de Tastavins/Pena-roja de Tastavins) ye un municipio de la provincia de Teruel. La suya población ye de 450 habitants.

Penyarroya de Tastavins Pena-roja de Tastavins
Municipio d'Aragón
Fabrica de fideus
Entidat  • País  • Provincia  • Comarca	Municipio  Aragón  Teruel Matarranya
Partiu chudicial	Alcanyiz
Superficie	83,3 km²
Población  • Total  • Densidat	450 hab. (2013) 5,4 hab/km²
Altaria  • Meyana	746 m.
Distancia  • 196 km	enta Teruel
Alcalde	Francisco Esteve Lombarte
Codigo postal	44586
Ríos	Tastavins
Coordenadas	40°45’18’’N 0° 2’22’’E
Penyarroya de Tastavins Penyarroya de Tastavins en Aragón
Web oficial

Cheografía

Ye situada a piet de la sierra d'en Canader (Sistema Iberico), en la cuenca alta de lo río Tastavins, que encomienza en lo forcallo entre los barrancos d'Escalona y de La Escresola auguas ent'alto de lo nuclio habitau. Ye a 196 km. de Teruel.

Mugas

Lo suyo termin municipal muga con localidaz de la provincia de Castellón, a mas de las de la comarca. En sentiu horario, muga con La Pobla de Benifazán a lo sud y sud este, con Castiel de Crabas a lo sud, con Herbers a lo sudeste, con Mont-royo a l'ueste, con Foz Espalda a lo norte y con la partida de Lo Port de Val de Robres a l'este.

	Foz Espalda
Mont-royo		Val de Robres
Herbers	Castiel de Crabas, La Pobla de Benifazán	La Pobla de Benifazán

Luengas y parlas

Actualment en Penyarroya de Tastavins, como en toda la comarca de lo Matarranya se charra lo catalán occidental y fa part de la Francha Oriental d'Aragón. La parla de lo Matarranya ye una transición entre lo catalán nordoccidental y lo valenciano. Lo lexico aragonés d'intrés etnografico de Penyarroya de Tastavins se conoix relativament bien por figurar esta localidat en l'ALEANR con la sigla Te 400.

Toponimia

En los textos latinos de lo sieglo XIII s'escribe Pinna-rubea. En textos de los sieglos XIV, XV y XVI s'escribe Penaroja, Penaroga u Penaroia.

Apareixe en aragonés en as actas d'as Corz d'Alcanyiz de 1436:

E stando asi la dita Cort plegada e ajustada, absent el dita senyor rey Lugartenient, ante el dita don Alfonso de Mur, lugartenient de Justicia d'Aragon, judge sobredito, e la dita Cort comparecio Pero Sorribes, afirmantse procurador de los jurados, concellos e universidades de Monrroyo, Penaroya, Rafals, Fornols, Belmont, La Fraxneda, Molinos e Exulbe

Actas d'as Corz d'Alcanyiz de 1436

En lo Fogache de 1495 apareixe como Penyaroxa, una traza d'adaptar graficament lo fonema prepalatal fricativo sonoro de la g, j catalana a la ortografía aragonesa, a on bi ha una X pa representar lo fonema prepalatal fricativo xordo.

En 1908, a propuesta de la Real Sociedad Geográfica de Madrit pasa a dicir-se oficialment Peñarroya de Tastavins pa diferenciar-la d'atras Peñarroyas que bi ha en Espanya.

Demografía

Evolución demografica

2003 2004 2005 2006 2007 2008 2009 2010 2011 - - - - - - - - -

2021 2022 2023 2024 2025 2026 2027 2028 - - 450 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011	2015	2019
Partido Aragonés	-	-	-	1	0	1	3	4	4	4	4
Partido de los Socialistas de Aragón	-	-	5	5	4	4	3	2	1	2	3
Partido Popular	-	-	-	-	3	2	1	1	2	1	-
Centro Democrático y Social	-	-	2	1	-	-	-	-	-	-	-
Independients	2	7	-	-	-	-	-	-	-	-	-
Unión de Centro Democrático	5	-	-	-	-	-	-	-	-	-	-
Total	7	7	7	7	7	7	7	7	7	7	7

Alcaldes

Lista d'alcaldes

Lechislatura	Nombre	Partiu politico
1979–1983	José Manuel Belsa Meseguer	UCD
1983–1987	José Manuel Belsa Meseguer	PSOE
1987–1991	José Manuel Belsa Meseguer	PSOE
1991–1995	José Manuel Belsa Meseguer	PSOE
1995–1999	José Román Roda	PSOE
1999–2003	José Román Roda	PSOE
2003–2007	Francisco Esteve	Partido Aragonés
2007–2011	Francisco Esteve	Partido Aragonés
2011–2015	Francisco Esteve	Partido Aragonés

Puestos d'intrés

Museus

• En lo suyo termin municipal ye situau lo museu paleontolochico Inhóspitak, que fa parti de lo ret de museus Territorio Dinopolis, a on bi ha una replica de lo Tastavinsaurus un dinosauro de 17 m de largaria y 20 tm que vivió en lo Cretacio inferior fa 110 millons d'anyos. Li posoron de nombre Tastavinsaurus por haber estau trobau en un chacimiento de lo termin municipal de Penyarroya de Tastavins, en l'anyo 1997.
• Museu Etnolochico «El Masmut».

Molimentos

Escalera

Ilesia de Santa María la Mayor

• Ilesia de Santa María la Mayor, protechida legalment dende 2001 con la suya declaración como Bien d'Intrés Cultural. La ilesia ye de lo sieglo XVIII, en estilo barroco.
• Casa d'o lugar, sieglo XVI.
• Antiga Loncha, sieglo XVI.
• Capiella d'a Virgen d'o Carmen, barroca de 1763.

Molimentos naturals

• Carrasca Mas de Xinero.
• Oliveras milenarias.

Fiestas

• Sant Antón, 17 de chinero.
• Santa Agueda,5 de febrero.
• Fiestas patronals, 8 de setiembre.

Personalidaz naixidas de Penyarroya de Tastavins

• Categoría:Naixius de Penyarroya de Tastavins.

Vinclos externos

• Se veigan as imachens de Commons sobre Penyarroya de Tastavins.
• (ca) / (es) Pachina web no oficial de Penyarroya de Tastavins.
• (es) Información d'Inhóspitak en la pachina web de lo Territorio Dinópolis.