La Fraixneda

La Fraixneda (La Freixneda en catalán; La Fresneda en castellán) ye un municipio situato en la comarca de lo Matarranya, en la provincia de Teruel.

La Fraixneda
La Freixneda
Municipio d'Aragón
Escudo d'armas
Casa de la Villa de la Fraixneda
Casa de la Villa de La Fraixneda
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Matarranya
Superficie 39,5 km²
Población
 • Total
 • Densidat

470 hab. (2016)
12,64 hab/km²
Altaria 585 m.
Distancia
 • 187 km

enta Teruel
Codigo postal 44596
Coordenadas 40°55’40’’N 0° 4’30’’E
La Fraixneda en Aragón
La Fraixneda
La Fraixneda
Situación de La Fraixneda en Aragón
www.LaFresnedaWeb.com

La suya población ye de 499 habitants (2011) en una superficie de 39,5 km² y una densidat de 12,64 hab/km².

MugasEditar

Lo suyo termin municipal muga con Torrelconte, con Val de Robres, con La Portellada, con Fórnols, con Val Chunquera y con Val d'el Tormo.

Val Chunquera Val d'el Tormo
Fórnols   Torrelconte
La Portellada Val de Robres

ToponimiaEditar

La chent de la redolada emplega la forma castellana de lo toponimo, lo toponimo en catalán orichinal, Freixneda, ya no s'emplega. La forma aragonesa Fraxneda yera usual en textos dende 1375 dica 1446, seguntes Antonio Ubieto Arteta, pero amaneix en textos relativos a l'orden de Calatrava muito antes, y s'emplega encara en lo Fogache de 1495. Tamién existen variants medievals sin X, Freyneda y Frayneda.

ParlaEditar

Lo catalán de La Fraixneda se diferencia de la resta de parlas catalanas de lo Matarranya en l'apichat de la g, j, (que en cuenta de pronunciar-se sonoros como en catalán se pronuncian xordos como en aragonés, dando una tx u ch). Esto puet estar un aragonesismo fonetico:

En los lugars de la redolada lis dicen ia rotxetxen les cireres (ia rogegen les cireres en los atros lugars).

DemografíaEditar

Evolución demografica
1362 f 1495 f 1842 1857 1860 1877 1887 1897 1900
- - - - - - - - 1.799

1910 1920 1930 1940 1950 1960 1970 1981 1991
1.915 2.008 1.698 1.591 1.171 916 666 581 480

1992 1994 1996 1997 1998 1999 2000 2001 2002
- - - - - - - 419 -

2003 2004 2005 2006 2007 2008 2009 2010 2011
- - - - - - - - 487

2012 2013 2014 2015 2016 2017 2018 2019 2020
486 - - - - - - - -

2021 2022 2023 2024 2025 2026 2027 2028 -
- - - - - - - - -

 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

AdministraciónEditar

Reparto de concellersEditar

Eleccions municipals[1]
Partito 1979 1983 1987 1991 1995 1999 2003 2007 2011 2015 2019
Partido Aragonés - - - 1 - 0 - 1 2 3 3
Partido Popular 1[2] 5[3] 4[4] 2 4 5 5 4 3 3 3
Partido de los Socialistas de Aragón - 2 3 3 3 2 2 2 2 1 1
Centro Democrático y Social - - - 1 - - - - - - -
Unión de Centro Democrático 6 - - - - - - - - - -
Total 7 7 7 7 7 7 7 7 7 7 7

AlcaldesEditar

Lista d'alcaldes
Lechislatura Nombre Partito politico
19791983 Jaime García Bayod Unión de Centro Democrático
19831987
19871991
19911995 Antonio Alguero Roca Partido Popular
19951999 Antonio Alguero Roca Partido Popular
19992003 Antonio Alguero Roca Partido Popular
20032007 Antonio Alguero Roca Partido Popular
20072011 Antonio Alguero Roca Partido Popular
20112015 José Ramón Gimeno Aguilar Partido Aragonés
2015-2019 José Ramón Gimeno Aguilar Partido Aragonés
2019-2023 Frederic Fontanet Alcina Partido Popular

HistoriaEditar

Lo territorio de la Fraixneda fue conqueriu en 1170 per Alifonso II y formó parte de la graniza donación que lo monarca fació a la Orden de Calatrava. En 1210 l'arcebispe de Zaragoza y lo capitol de Sant Salvador d'aquella ciudat concedioron la ilesia de la Fraixneda, con os diezmos y primicias, a lo convento de la orden en Alcanyiz. En marzo de lo mesmo anyo, Martín Martínez, mayestro de Calatrava de dito convento, enfeudó lo castiello de la Fraixneda a Ximén López, con a condición que si moriba sin descendencia dreita y lechitima sería tornau a la orden.[5]

Lo sabado 28 d'aviento de 1262, día de los Santos Inocents, Gonzalo y Pardo de Santo Pedro, Sança Pérez y Urraca Ximenes, descendients segurament de Ximén López, dioron carta de población a los habitants de la Fraixneda y tamién tierras y casas, con facultat pa vender, mercar y transmitir as propiedatz a los suyos succesors, reservando-se, manimenos, los donadors, lo molín de farina y los fornos. Lo 14 d'aviento de 1283, por documento sinyau en Zaragoza, o rei Pero III d'Aragón reconoixió y confirmó los anteriors privilechios y concedió a la Fraixneda o titol de villa. En 1303, d'Horta estando, Chaime II d'Aragón dispensó las villas de Favara, Maella, Calazeit y a la Fraixneda de lo pago de l'imposau de la cena pus que per feito d'estar mesos de propiedat d'ordens militars yeran exentas. Tot y con esta dispensa, los succesors de Chaime II tornoron a cobrar l'impuesto. Pero IV d'Aragón, dito o Ceremonioso u lo de lo Punyalet; lo primero de setiembre de 1339, metió los hombres y las familias de la Fraixneda, y las suyas bienes baixo a protección reyal.[6]

A meyaus de lo sieglo XIV a villa sufriba dificultatz economicas que duroron dica la fin de lo sieglo. Lo 7 de chinero de 1343 la universidat de la Fraixneda contrayió una deuda de 1.000 sueldos chaqueses con lo chodigo d'Alcanyiz Moisés Abicorna. En 1349 habió de pedir ampraus 1.500 sueldos más y en 1351 los acreedores d'un censal de 39.520 sueldos en moneda barcelonesa promovioron un chudicio contra la universidat y consello de la villa por incomplimiento de lo pago de los reutos anyals. En 1370 los churaus reciben un ampre d'1.900 sueldos chaqueses de lo chodigo d'Alcanyiz Samuel Falleva y en guarencia hipotecan totz los bienes de la villa. En 1372 reciben 400 sueldos, deixaus por Astruc Cavara, chodigo de Fraga, y en 1392 Antonio Castelló, d'Alcanyiz, gana un pleito a la ciudat por falta de pago d'un censal de 2.000 sueldos chaqueses que produciban una renda de 200 sueldos anyals. Entre este periodo lo consello de la Fraixneda s'enfrontinó con a orden de Calatrava d'Alcanyiz y mantenió pleitos con Val de Robres.[7]

En 1418 Benito Salellas, vicario cheneral de l'arcebispe de Zaragoza, mandó a lo consello de la ciudat de construyir dos estancias y dotar-las de leitos, en o hespital, en compensación por qualques rentas de casas y corrals de propiedat eclesiastica, que a universidat i heba usufructuado de traza ilicita. En 1425 la Fraixneda habió de pedir amprau los 127 florins d'oro que pagó como contribución a la coronación de lo rei. En 1433 Ramon Alemany de Cervelló, comendador mayor de la orden de Calatrava en Alcanyiz, liberó la ciudat de la obligación de subministrar palla a los caballos de los suyos acompanyants y de los suyos succesors, pa cutio, quan visitasen la población. Dimpués de la muerte de lo principe de Viana Carlos d'Aragón, en chulio de 1462, lo comendador de la Fraixneda, con l'aduya de los vecins de lo puesto, atacó a villa de Calazeit, fervient partidaria de lo principe. Ixe mesmo anyo las ordens de Mont-royo y la Fraixneda combatioron chunto a las fuerzas de Chuan II d'Aragón contra las tropas de Tortosa establidas en Cretas.[8]

En 1643, entre la Guerra de Sucessión, as tropas contrarias a Felipe III d'Aragón sitiaron a ciudat. En a Guerra de Succesión, en 1706, a ciudat yera en mans de l'exercito austracista mandau por lo coronel Antonio Caraccioli, que veiló en tot momento pa que estasen respetadas as propiedatz. Lo 2 de chulio d'ixe anyo, Pere Sostres, cleigo de la Fraixneda, fue comisionau debant de lo consello de Calazeit pa que deixase de pagar rentas a lo bispe de Tortosa y lo fese a lo rei-archiduque Carlos III en sinyal d'adempribio.[9]

En 1809, entre a Guerra de lo Francés, se presentó a la Fraixneda lo gubernador d'Alcanyiz, Vicente Bustamante, qui, anyos dezaga heba interveniu en a villa en la investigación de la chestión d'un administrador de la Orden de Calatrava. Fue asaltau per los vecins a palos y, malferiu, fue levau ta lo patio de la Casa de la Orden. Lo lugar, sublevau, forzó las puertas y Bustamante fue muerto a disparos d'arma de fuego y feridas de sable. Lo suyo calabre quedó tres días enmeyo de lo patio sin que dengún s'atrivise a dar-le sepultura y quan fue levau ta lo fosal los cans l'heban estricallau la cara. Entre lo enfrentamiento perdioron la vida, tamién, tres vecins. Los motivos d'ista acción popular no han estau averiguaus y no se creye probable la motivación que sinyalan los autors, que acusan a Bustamante d'afrancesado. En 1812, a resultas d'a proclamación de la Constitución Espanyola de 1812, un quadro de sant Ferrando fue retocau pa convertir-lo en un pretendiu retrato de lo rei Ferrando VII y fue levau en procesión per la villa.[10]

Entre la Primera Guerra Carlista, Cabrera s'apoderó de la Fraixneda. En chinero de 1836, por ordens suyas, fuoron afusilaus en la villa os alcaldes de Torrociella y Val d'Algorfa los que heban estau acusaus de delatar a los movimientos de las tropas carlistas en as autoridatz liberals. A zaguers de 1839 Cabrera, antes d'albandonar la Fraixneda, fació espaldar lo castiello y qualques edificios fortificaus a fin de privar la suya utilización per las tropas cristinas.[11]

En 1911 se constituyió lo Centro Republicano de la Fraixneda y cinco anyos más tarde se creyó lo Centro Obrero, aderido primero a lo Partiu Socialista y dimpués independient. Los propietarios per la suya parte fundoron lo Sindicato Católico Agrícola, en un intento de restar fuerza a l'agrupación obrera. En 1918 s'encetoron las obras de construcción d'a casa de la Choventut Freixnedana. En 1923 lo Centro Obrero fue clasurau por orden gubernativa y no se tornó a ubrir dica 1925. En 1929 se creyó, dentro de lo Centro Obrero, lo grupo artistico.[12]

En 1931 lo Centro Obrero yera controlau por la CNT y en producir-se lo esclatiu libertario de 1933, lo 8 d'aviento o suyo local fue espullau y quedó en muit mal estau. En 1936 la Freixneda quedo fiel a la Republica y se constituyó lo comité revolucionario. Fue decretada la colectivización de las tierras y l'abolición de la moneda estatal, que fue substituita por una moneda local. En rematar la guerra civil muita chent emigró y entre 1939 y 1947 se rechistroron movimientos de grupos guerrillers en la comarca.[13]

La Encomienda de la FraixnedaEditar

 
Convento de la Virchen de Gracia

En o primer quarto de lo sieglo XIII ya i hai noticias de la existencia de la Encomienda de la Fraixneda, que pendió primero d'Alcanyiz y dimpués pasó ta la corona. En 1766 lo rei Carlos III d'Espanya la dio a tenencia a lo suyo fillo l'infant Francisco Javier. La propiedat alavez, comprendeba lo castiello, la Casa de la Encomienda, quantas casas de la villa, 20 chornals de tierra de cautivo y 30 chornals de ferrenyals, y un molín de farina con a suya balsa. Las rentas de tenencia consistirían en a decena parte de los grans, de lo canyamo y de las olivas, lo quinceno de la vendema, la decena de los rabanyos de lana y de caprino y un lechón de la primera camada de cada cochina. Lo mesmo pago percibiba de la Val d'el Tormo. Amás, l'infant yera tamién o titular de la tenencia de Ráfals. Percibiba la primicia de totz los fruitos, 20 libras chaquesas pa los forraches y 36 cafíces d'ordio y 36 de trigo por los arrendamientos de lo molín de farina y los fornos de pan. Lo titular de la Encomienda gozaba de lo dreito de nombrar alcalde cutiano de la Fraixneda, entre una terna presentada por lo Consello de la ciudat. En a Casa de la Encomienda, en la planta baixa, son los truixals y las cías an yera almagazenau lo producto de los impuestos de la localidat. La nueit de lo 13 de chinero de 1810, Benito Pasis de Figueroa, comandant de la división d'escubrimiento de la linia de lo río Algars, arrestó a l'alcalde, l'interventor y lo escribano de lo consello y, dimpués d'exichir la entrega de las claus de la casa, se levó tot lo trigo que trobó. Lo infant Antonio yera alavez lo titular.[14]

En 1580 la Encomienda de Calatrava de la Fraixneda rebló a la orden de los minimos una propiedat, situada en una val afluyent de lo barranco de las Canals, an se trobaba la capiella de la Virchen de Gracia de la Espelunga. En esta capiella, construyida baixo una espelunga, se veneraba un imachen trobada, seguntes la tradición, per uns pastors. Lo 20 de chinero de 1581 los minimos prenioron posesión de lo puesto y encetoron las obras de construción d'un convento. Lo convento de La Virchen de Gracia conserva en piet los muros de l'edificio conventual y de la hospedería. La ilesia, de tres naves, tiene dezaga de l'altar mayor la espelunga an yera a primitiva ermita. Resultó muit danyada a causa de l'abandono y más tarde estioron espaldaus los pilars pa evitar accidents los días de romería. La frontera, inacabada, ye de piedra tallada. En una capilleta, dencima de la puerta d'acceso, i hai una imachen de la Virchen, esculpida en piedra, de gran grandaria.[15]

Puestos d'intrésEditar

Fa uns sieglos yera un lugar muito rico por l'olio d'oliva. Esto se nota en a gran riqueza monumental, destacando a Casa de la Villa, lo Palacio de lo Marqués de Tosos y la Ilesia. Lo Castiello s'escachó quan as guerras carlistas. Bi ha un convento dencima una muela cristianizando l'antigo culto pagán solar d'ixe tozal.

Veyer tamiénEditar

FiestasEditar

  • Los calderons, una fiesta propia de Nadal relacionata con os Reis Magos, en a que os ninons recorren as carreras fendo-ie estrapalucio ta que os Reis Magos l'ascuiten y no se xubliden de dixar-ie regalos.

ReferenciasEditar

  1. Archivo electoral
  2. como Coalición Democrática
  3. como Alianza Popular
  4. como Partido Demócrata Popular
  5. {I}Gran Geografia Comarcal de Catalunya, volumen 11, pach. 310/11 (ISBN 84-85194-44-6)
  6. {II}Gran Geografia Comarcal de Catalunya, volumen 11, pach. 310/11 (ISBN 84-85194-44-6)
  7. {III} Gran Geografia Comarcal de Catalunya, volumen 11, pach. 310/11 (ISBN 84-85194-44-6)
  8. {IV}Gran Geografia Comarcal de Catalunya, volumen 11, pach. 310/11 (ISBN 84-85194-44-6)
  9. {V} Gran Geografia Comarcal de Catalunya, volumen 11, pach. 310/11 (ISBN 84-85194-44-6)
  10. {VI} Gran Geografia Comarcal de Catalunya, volumen 11, pach. 310/11 (ISBN 84-85194-44-6)
  11. {VII} Gran Geografia Comarcal de Catalunya, volumen 11, pach. 310/11 (ISBN 84-85194-44-6)
  12. {VIII} Gran Geografia Comarcal de Catalunya, volumen 11, pach. 310/11 (ISBN 84-85194-44-6)
  13. {IX} Gran Geografia Comarcal de Catalunya, volumen 11, pach. 310/11 (ISBN 84-85194-44-6)
  14. {I} Gran Geografia Comarcal de Catalunya, volumen 11, pach. 311 (ISBN 84-85194-44-6)
  15. {II} Gran Geografia Comarcal de Catalunya, volumen 11, pach. 311 (ISBN 84-85194-44-6)
  16. (es) Texto en lo BOA de la declaración de la Casa de la Villa de La Fraixneda como Bien d'Intrés Cultural.