Aliaga

Iste articlo trata sobre Aliaga, municipio de Teruel. Ta la mata punchuda, se veiga Aliaga (planta).

Aliaga ye un lugar de la provincia de Teruel (Aragón), situato en la comarca de las Cuencas Meneras. La suya población ye de 323 habitants en una superficie de 196,8 km².

Aliaga
Municipio d'Aragón
Antiga central termica d'ERZ en Aliaga
Entidat  • País  • Provincia  • Comarca	Municipio  Aragón  Teruel Cuencas Meneras
Superficie	196,8 km²
Población  • Total	323 hab. (2013)
Altaria  • Meyana	1105 m.
Distancia  • 66 km	enta Teruel
Alcalde	Sergio Uche Gil
Codigo postal	44150
Coordenadas	40°40’26’’N 0°42’11’’U
Aliaga Aliaga en Aragón
Web oficial

Cheografía

Ye situato en lo semontano sud de la sierra de Sant Chust, en lo forcallo de lo río Aliaga con lo río Guadalop. Lo río Guadalop fa un anglo de 90 graus, y remata seguindo la dirección de l'afluent Aliaga. De Aliaga en dependen l'Aldeyuela, Santa Barbara, Campos, Cirulleda y La Canyadiella.

En Aliaga s'ha feito un parque cheolochico dedicato a la singularidat de las estructuras cheolochicas ya que lo rechistro sedimentario mesozoico y cenozoico son muito didacticos. En lo Parque Cheolochico d'Aliaga destacan las tempestitas, estratos formatos en una sóla tempesta marina, d'alcuerdo con lo neocatastrofismo.

Mugas

Lo suyo termin muga con Exulv, Villar Luengo, Finollosa d'Exarc, Exarc de la Val, Cuevas d'Almudén, Palomar, Cabra y La Zoma.

Toponimia

Bi ha cronistas que creyen que corresponde con la Laxta celtibera. En los escritos arabes s'escribiba Alulgha que significa Val Tuerta. Son variants medievals de lo nombre Ailaga y en latín Iliacham, que por eixemplo se vei en la Bula d'Hadrián IV en 1158, en a que se nombra esta localidat como una d'as mugas d'a diocesi de Zaragoza.

In quibus hec propiis duximus exprimenda vocabulis: ecclesiam sancte Maria, que est infra muros civitatis; quicquic iuris habes in ecclesia sanctarum Massarum; ecclesias de Tarrocca, tam infra villam quam infra terminos suos omnibus sibi pertinentiis; ecclesias de Montreial cum pertinentiis suis; Arrodenes, Cellam, Sanctam Mariam de Berrazin, Pennam Golosam, Torol, Alhambra cum omnibus earum pertinentiis, Lliacham, Montagud, Sylarch, Gudal, Aras, Morella, Olocap, Monrog, cum omnibus suis pertinentiis

Lo pareixito con Allaca ye casual (homonimia), manimenos los aragoneses medievals podeban trobar mes pareixito con l'au de presa "alica" que con a mata punchuta "Allaca", como podemos veyer en "Rationes decimarum Hispaniae (1279-80): Aragón y Navarra":

Item a rectore de Cerugeda, Aliga et Pitaig, Miravet, Fortaner, hospitalis sunt.

Historia

La primera mención ye en 1118, quan Alifonso I donó Aliaga a Lope Ioanes de Tarazona. La reconquiesta definitiva ha estato con Alifonso II. En 1163 la donó a la Orden de lo Hespital. Bells lugars que huei son en lo termin municipal d'Aliaga perteneixeban a la Comunidat de Teruel.

Demografía

Evolución demografica

2003 2004 2005 2006 2007 2008 2009 2010 2011 - - - 409 - - - - -

2012 2013 2014 2015 2016 2017 2018 2019 2020 - - - - - - - - -

2021 2022 2023 2024 2025 2026 2027 2028 - 326 - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Aragonés									4
Partido de los Socialistas de Aragón									2
Partido Popular									1
Total									7

Alcaldes

Lista d'alcaldes

Lechislatura	Nombre	Partito politico
1979–1983	Fernando Pérez Enguidanos	PSOE
1983–1987
1987–1991
1991–1995	Antonio Valero Royo	Partido Aragonés
1995–1999	Antonio Valero Royo	Partido Aragonés
1999–2003
2003–2007
2007–2011
2011–2015	Sergio Uche Gil	Partido Aragonés
2015-2019	Sergio Uche Gil	Partido Aragonés

Puestos d'intrés

• Casa d'a Villa.
• Ilesia de Sant Chuan Baptista.
• Santuario d'a Virchen d'a Barza.
• Restas d'o castiello.

Fiestas

• 20 de chinero, Fiestas de Las Albadas.
• 24 de chunio, Sant Chuan Baptista.
• 8 de setiembre, la Virchen de la Barza.

Veyer tamién

• Lista de municipios de Teruel

Vinclos externos

• www.ParqueGeologicoAliaga.com

Lugars desapareixius de lo municipio d'Aliaga
Abella