Torre de las Arcas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Torre de las Arcas ye un municipio aragonés de la provincia de Teruel, situau en la comarca de las Cuencas Meneras. La suya población yera de 37 habitants (2010) en una superficie de 37,2 km².

Torre de las Arcas
Municipio d'Aragón
Envista de Torre de las Arcas.
Entidat  • País  • Provincia  • Comarca	Municipio  Aragón  Teruel Cuencas Meneras
Partiu chudicial	Calamocha
Superficie	37,2 km²
Población  • Total	24 hab. (2013)
Altaria  • Meyana	945 m.
Distancia  • 99 km	enta Teruel
Alcalde	María Teresa Gamarra Chopo
Codigo postal	44709
Coordenadas	40°50’31’’N 0°43’ 5’’U
Torre de las Arcas Torre de las Arcas en Aragón
Web oficial

Cheografía

Torre de las Arcas ye situada en la sierra de Mont Albán pero baixo la sierra de Sant Chust que ye vistable a lo Sud. La loma de Mengalices ye en la part sudeste de lo termin municipal, que ye travesau de Sud a Norte por lo río de Cabra. Este río recibe chunto a lo nuclio urbán las auguas de lo barranco d'el Regallo a la dreita y lo barranco d'el Gabardal a la ezquierda, y poco dimpués encomienza a encaixar-se formando las foces de Cabra.

Bi ha un chardín botanico en lo rete de centros d'interpretación de lo Parque Cultural del río Martín. A lo sud de lo lugar bi ha un afloramiento rodeno de piedras d'arena royas de lo Triasico inferior (Buntsandstein) por a on pasa la ruta senderista dita El molino y el Barranco del Acebo.

Mugas

Lo suyo termin municipal muga con Estercuel, Canyizar de l'Olivar, Cabra, Mont Albán y Obón.

Toponimia

Ye fácil de confundir con Torre d'Arcas en la comarca de lo Matarranya. La palabra Arca se vei en atros toponimos de la redolada, Arcaine, Coire d'Arcas.

Entre los microtoponimos ye interesant lo barranco d'el Regallo y lo barranco de las Valellas, con sufixo -ello conservau (no castellanizau ta -ejo como en lo sudueste de Teruel).

Historia

Perteneixeba a la Orden de Sant Chaime y dependeba de la Comanda de Mont Albán.

Demografía

Evolución demografica

1992 1994 1996 1997 1998 1999 2000 2001 2002 - - 40 - - - 34 35 35

2003 2004 2005 2006 2007 2008 2009 2010 2011 32 35 36 37 36 37 39 37 -

2021 2022 2023 2024 2025 2026 2027 2028 - - 24 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón									1
Total									1

Alcaldes

Lista d'alcaldes

Lechislatura	Nombre	Partito politico
1979–1983	Miguel Latorre Villuendas	UCD
1983–1987
1987–1991
1991–1995
1995–1999
1999–2003
2003–2007
2007–2011
2011–2015	María Teresa Gamarra Chopo	PSOE-Aragón
2015–2019	Ana María Esteban Torres	PSOE-Aragón
2019–2023

Puestos d'intrés

• Ilesia de Sant Miguel, sieglo XVII.
• Casa d'a Villa, sieglo XVII.
• Ilesia de Sant Hermenechildo.
• Restas d'o castiello, sieglo XIV.
• Ermita d'a Virchen de l'Hortal.
• Ermita d'a Virchen d'Oto.

Fiestas

• 10 d'agosto, Sant Miguel.

Vinclos externos

• Torre de las Arcas, una perla en Aragón.
• Torre de las Arcas en la web de lo Parque Cultural del Río Martín.