Aldeyuela (Cuencas Meneras)

Este articlo ye sobre un barrio de lo municipio d'Aliaga. Pa atros usos, se veiga Aldeyuela (desambigación).

Aldeyuela (Aldehuela en castellán) ye un barrio de las Cuencas Meneras (Teruel, Aragón), pertenexient a lo municipio d'Aliaga.

Aldeyuela
Lugar d'Aragón
Aldehuela (Aliaga).jpg
Entidat
 • País
 • Provincia
 • Comarcas
 • Municipios
Lugar
Flag of Aragon.svg Aragón
Teruel (provincia).svg Teruel
Cuencas Meneras
Aliaga
Población
 • Total

20 hab. (2013)
Altaria 1292 m.
Distancia
 • 74 km

enta Teruel
Codigo postal 44158
Coordenatas 40°41’ 6’’N 0°41’ 5’’U
Aldeyuela en Aragón
Aldeyuela
Aldeyuela
Situación de Aldeyuela en Aragón

HistoriaEditar

Aldeyuela ye un barrio fundau en una val chunto a l'entibo d'Aliaga y formau por edificios grans de ladriello royo a on viviban los treballadors de la central termica que funcionó dende 1952 dica 1982.

ToponimiaEditar

Lo toponimo Aldehuela presenta lo diminutivo -uela como terminación toponimica seguindo a l'arabismo indicador de nuclio de población aldeya. D'acuerdo con Agustín Ventura Conejero este sufixo común en la provincia de Teruel s'aplicó a nuclios habitaus que yeran prou chicos, a vegadas pa dar-lis un matiz afectivo.[1]

Cerca d'Aldeyuela y baixando por lo río Guadalop bi ha una masía dita masía de la Tosca, con tovas travertinicas, bi ha unatra masía dita Masía (de) la Puente (que conserva lo chenero femenín de puent propio de l'aragonés medieval). Entre meyo bi ha atros toponimos con component en aragonés: Penya d'el Cabo y Fuente de los Cinglos. Més abaixo de la Masía de la Puente ya cerca de lo Valloré de Montoro de Mezquita ye la Boca d'el Infierno.

Unatro toponimo en aragonés que bi ha cerca d'Aldeyuela, ye a l'este de la masía de la Tosca y ye la partida dita gabardal u galabardal, a on que se troba la muela d'el Galabardal y lo barranco d'el Galabardal, a lo sud de lo río Guadalop.

ReferenciasEditar

  1. (es) Agustín Ventura Conejero: Notas sobre Teruel antiguo y medieval. Revista Teruel, nº 47 ,1972, p 85.


Lugars de lo municipio d'Aliaga
Aldeyuela | Aliaga | Campos | La Canyadiella | Cirulleda | Santa Barbara