Cortes d'Aragón (Teruel)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre o municipio d'a provincia de Teruel. Ta atros emplegos de Cortes se veiga Cortes (desambigación).

Cortes d'Aragón (Cortes de Aragón en castellano) ye un municipio de la provincia de Teruel, situau en la comarca de las Cuencas Meneras. La suya población yera de 75 habitants (2010) en una superficie de 24,4 km².

Cortes d'Aragón
Municipio d'Aragón
Entidat  • País  • Provincia  • Comarca	Municipio  Aragón  Teruel Cuencas Meneras
Partiu chudicial	Calamocha
Superficie	24,4 km²
Población  • Total	62 hab. (2013)
Altaria  • Meyana	927 m.
Distancia  • 99 km	enta Teruel
Alcalde	Miguel Royo Gracia
Codigo postal	44791
Coordenadas	40°58’25’’N 0°50’ 6’’U
Cortes d'Aragón Cortes d'Aragón en Aragón

Cheografía

Ye situau en lo interfluvio entre las cuencas de lo río Martín y Aguas.

Mugas

Lo suyo termin municipal muga con Chosa, La Foz de la Viella, Maicas, Plou y Muniesa.

Historia

En 1489 perteneixeba a la Sobrecollida de Mont Albán, pero en lo fogache de 1495 figura como una localidat de la Sobrecollida de Daroca.

Toponimia

Lo toponimo Cortes ye d'orichen mozarabe y se remonta a lo latín COHORTIS (que en aragonés ha dau cort). En Andalucía bi ha toponimos formaus con la palabra Cortes con lo mesmo orichen que en las fuents andalusís se documentaban como Kurtiš u Kūrtiš.

En las primicias de 1290 sale como Cortes, sin l'apelativo y tamién en lo fogache de 1495. Un estercolín que feba de testigo en un texto de 1317 relativo a lo Monesterio de Santa María de l'Olivar se deciba Antonio Corts, pero no ye seguro que corresponda a una aragonesización d'este toponimo con una forma plural en aragonés porque podría corresponder a toponimos homonimos d'atras comarcas aragonesas. Seguntes la tradición lo lugar prene lo nombre suyo porque se i celebró as primeras Corz d'Aragón dimpués de la expulsión de los moros.

En los textos de lo sieglo XV bi ha una mayoría de microtoponimos en aragonés: Tosal de Cortes, Carrera de Oliete, La Font de la Filada, Val de Montanya, Nuestra Señora de Franguas, El Tapiado, La Heredad, Carrera Junqueras, Carrera Lafoz, Canyada a Foga Lobos, Las Pelliceras, Balsa Yerma, Val Tomellyosso, Los Morrones, Balsa Roya, Las Paretiellas, Val del Mont, La Fontaciella, Los Cornellales, Cabeza la Valsiella, Cabezo la Fuent, Fent del Curto, Fuent del Mas, Barranco del Pielago, La Somada, Val de Santa María, San Jorge, Cruciello, Camino Maycas, Formigales, El Royal, La Foia, El Cobertiello, Val de Privado, Campo de Don Domingo Ruvio, Las Roturas, El Pielago, La Lomiella, El Terrero, El Canyuelo, Val de Donya Urraca, Cabezo de la Balsiella, Val del Mont, Val de Ciervos, El Villar, Carrera Huesa, El Campiello, La Pedraza.

Demografía

Evolución demografica

2003 2004 2005 2006 2007 2008 2009 2010 2011 - - - - - - - 75 -

2021 2022 2023 2024 2025 2026 2027 2028 - - 62 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									2
Partido de los Socialistas de Aragón									1
Total									3

Alcaldes

Lista d'alcaldes

Lechislatura	Nombre	Partiu politico
1979–1983	Narciso Valeriano Plou Legua	Independient
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Miguel Royo Gracia	PSOE
2015–2019
2019–2023

Puestos d'intrés

• Ilesia de Sant Bertolomeu.
• Casa de la Villa.
• Ermita de la Virchen d'Aliaga, centro relichioso de la comarca, que ye de los lugars de Muniesa, Blesa, Plou, Uesa, La Foz de la Viella, Anadón, Maicas, Chosa y Cortes d'Aragón.

Fiestas

• 24 de chunio, Sant Chuan Baptista.
• 24 d'agosto, Sant Bertolomeu.