Sierra de Partara
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre a sierra de Partara. Ta altros usos d'o toponimo «Partara» se veiga Partara (desambigación).
A sierra de Partara (/paɾ'taɾa/) u sierra de Bruello ye un sarrato menor en Aragón, en o termin municipal de l'Aínsa-Sobrarbe, en a comarca de Sobrarbe y a provincia de Uesca.
| Sierra de Partara | |
|---|---|
 | |
| Cheografía | |
| Cordelera | Sierras interiors pirenencas |
| Sector | |
| ' | |
| Maxima altaria | 831 m |
| Cimas importants | |
| Largaria | ±5 km |
| Amplaria | 2,5 km |
| Superficie | |
| Vértiz cheodesico | |
| Subsistemas | |
| Administración | |
| Estau | Espanya |
| País |  Aragón
|
| Municipios | L'Aínsa-Sobrarbe |
| Cheolochía | |
| Edat | Eoceno |
| Materials | |
| Tipo | |
.png)  | |
Cheografía editar
L'eixe mayor d'a sierra se prolarga en sentido norueste→sudeste dende a collada d'o río Ena, en os arredols de Guaso, dica la Penya Cotón, en a que se troba las restas d'o castiello y o despoblau de Tou. As altarias bailan d'entre os 831 msnm que s'adube a poca distancia d'o cabo norueste, sobre l'Ena, dica os poco más de 730 metros d'altaria que tiene a Penya Cotón.
Por a man norte d'a sierra, bel sarrato (como «o tozal d'a Buxosa») se prolarga cara ta'l norte y nord-este, en perpendicular a l'eixe principal d'a sierra, en arribando dica la ribera de l'Ara en a cuentra de la villa de l'Aínsa. Ixa ye a partida que se conoix como «Partara» ("part d'Ara") y que le da nombre a la sierra.
Por Partara, a sierra domina dende o sud o forcallo a on que s'achunta lo río Ara con a Cinca, y ye perfectament visible de frent debant de l'Aínsa.
En a man sud de a sierra i ha una valleta, que ye la d'o barranco de Bruello, en a que se troba cualques pardinas que feban parte de l'antigo municipio de Santa María de Buil. Son en ixas garras d'a sierra o lugarichón de Bruello y as pardinas de Sarratiás y Coroniellas, mientres que son en a cuentra d'o barranco, tamién en a valleta, anque en as baixants d'o sarrato que s'estendilla d'entre o soaso de Buil y Camporretuno, as pardinas d'o Sarrato, Pelegrín y A Capana. En l'extrimo sudeste d'a sierra, por a on que ista remata en a valle d'a Cinca, se troba Moriello de Tou, y por alto d'él, o despoblau de Tou.
A crestera d'a sierra se puede pasar por un portichón con camín balizau que comunica l'Aínsa con Bruello, y que se conoix como «cruceta de Bruello». Tamién se puede prener ixe camín dende os arredols de Moriello de Tou, por a on ye una excursión recomendable.
Se veiga tamién editar
- Soaso de Buil.
- Sierra de Buil-Camporretuno.
- Río Ena.
- Barranco de Bruello.
- Viello Sobrarbe.
- Santa María de Buil (municipio).
- Cosculluela de Sobrarbe (municipio).
| Sierras exteriors pirenencas | ||
|---|---|---|
| ||